വോട്ടിംഗ് രീതി പഠിപ്പിക്കാൻ ക്രൈസ്റ്റ് കോളേജിൽ വോട്ട് വണ്ടി.

ക്രൈസ്റ്റ് കോളേജ് എൻ. എസ്. എസ്. യൂണിറ്റ്സ് 20 & 49 ൻ്റെ നേതൃത്വത്തിൽ കോളേജ് അംഗണത്തിൽ വോട്ട് വണ്ടിക്ക് സ്വീകരണം നൽകി.ഒരു വോട്ടർ പോലും തിരഞ്ഞെടുപ്പിൽ നിന്ന് ഒഴിവാക്കപെടരുത് എന്ന സന്ദേശവുമായി ദേശീയ തിരഞ്ഞെടുപ്പ് കമ്മീഷൻ ആരംഭിച്ച വോട്ട് വണ്ടി,വോട്ട് രേഖപ്പെടുത്തുന്ന പ്രക്രിയ, ബട്ടൺ അമർത്തിയതിന് ശേഷം വിവിപാറ്റിൽ സ്ലിപ്പ് എങ്ങനെ പ്രദർശിപ്പിക്കപ്പെടുന്നു എന്നിവ വിദ്യാർത്ഥികൾക്ക്വിശദീകരിച്ചു. യുവജനങ്ങളിൽ തെരഞ്ഞെടുപ്പ് അവബോധം സൃഷ്ടിക്കാനും വോട്ടിംഗ് പ്രക്രിയയെക്കുറിച്ചുള്ള സംശയങ്ങൾ ദൂരീകരിക്കാനുമാണ് ഈ പ്രചരണ പരിപാടി സംഘടിപ്പിക്കുന്നത്. ഇരിങ്ങാലക്കുട തഹസിൽദാർ ശ്രീ ബാലകൃഷ്ണൻ, ഡെപ്യൂട്ടി തഹസിൽദാർ ശ്രീമതി രേഖ എന്നിവർ വോട്ടിംഗ് മെഷീനുകളായ ഇ വി എം, വി വി പാറ്റ് സംവിധാനംഎങ്ങനെ പ്രവർത്തിക്കുന്നു എന്നത് വ്യക്തമാക്കി. ക്രൈസ്റ്റ് കോളേജ് വൈസ് പ്രിൻസിപ്പാൾ ഡോ. സേവ്യർ ജോസഫ്, എൻ. എസ്. എസ്. പ്രോഗ്രാം ഓഫീസേഴ്സ് ഡോ. അനുഷ മാത്യു, ഡോ. സുബിൻ കെ. ജോസ് എന്നിവർ പ്രസംഗിച്ചു.