ഓണാഘോഷത്തോടനുബന്ധിച്ച് ഇരിങ്ങാലക്കുട ക്രൈസ്റ്റ് കോളേജിൽ അധ്യാപകരും അനദ്ധ്യാപകരും വിദ്യാർത്ഥികളും ചേർന്നൊരുക്കിയ സൗഹൃദ പൂക്കളം ശ്രദ്ധേയമായി. ഏകദേശം എണ്ണൂറോളം വിദ്യാർത്ഥികളും അധ്യാപകരും അണിനിരന്നാണ് ക്രൈസ്റ്റ് ഫുട്ബോൾ ഗ്രൗണ്ടിൽ മനോഹരമായ സൗഹൃദ പൂക്കളം വിരിയിച്ചത്. കോളേജ് ലോഗോയ്ക്ക് ചുറ്റും വർണാഭമായ തൊപ്പികൾ അണിഞ്ഞ് നിശ്ചിത ഇടങ്ങളിൽ അധ്യാപകരും വിദ്യാർത്ഥികളും നിരന്നപ്പോൾ ആകാശ ദൃശ്യത്തിൽ അതൊരു വർണ്ണചിത്രമായി. കോളേജിലെ ടീച്ചേഴ്സ് ക്ലബ്ബിൻ്റെ നേതൃത്വത്തിൽ ഒരുക്കിയ
സൗഹൃദ പൂക്കളം കോളേജ് മാനേജർ ഫാ. ജോയി പീണിക്കപറമ്പിൽ ഉദ്ഘാടനം ചെയ്തു.
