സാങ്കേതിക സർവകലാശാലയിൽ ക്രൈസ്റ്റ് എൻജിനീയറിങ് കോളേജിന് മികച്ച റാങ്കിംഗ്

കേരള സാങ്കേതിക സർവകലാശാല വിജയശതമാനത്തിൻ്റെ അടിസ്ഥാനത്തിൽ എൻജിനീയറിങ് കോളേജുകളുടെ പട്ടിക പ്രസിദ്ധീകരിച്ചപ്പോൾ ഇരിങ്ങാലക്കുട ക്രൈസ്റ്റ് കോളേജ് ഓഫ് എഞ്ചിനീയറിംഗ് മികവ് തുടർന്നു. 82.05 ശതമാനത്തോടെ സംസ്ഥാനത്ത് ആറാം സ്ഥാനവും സ്വകാര്യ കോളേജുകളുടെ വിഭാഗത്തിൽ രണ്ടാം സ്ഥാനവുമാണ് ക്രൈസ്റ്റ് കരസ്ഥമാക്കിയത്. 2021-25 ബാച്ചിൻ്റെ പ്രകടനത്തെ അടിസ്ഥാനപ്പെടുത്തിയാണ് പട്ടിക പ്രസിദ്ധീകരിച്ചത്. 7.81 ആണ് വിദ്യാർത്ഥികളുടെ ശരാശരി സി ജി പി എ. പരീക്ഷ എഴുതിയ വിദ്യാർത്ഥികളിൽ 34.43 ശതമാനം പേർ ഡിസ്ടിംഗ്ഷനും 44.68 ശതമാനം പേർ ഫസ്റ്റ് ക്ലാസും കരസ്ഥമാക്കി. നേട്ടത്തിന് പിന്നിൽ പ്രവർത്തിച്ച അധ്യാപകരെയും വിദ്യാർത്ഥികളെയും എക്സിക്യൂട്ടീവ് ഡയറക്ടർ ഫാ. ജോൺ പാലിയേക്കര സി എം ഐ, ജോയിൻ്റ് ഡയറക്ടർ ഫാ. മില്‌നർ പോൾ, ഫിനാൻസ് ഓഫീസർ ഫാ. ജോജോ അരീക്കാടൻ, പ്രിൻസിപ്പൽ ഡോ. സജീവ് ജോൺ, പ്രിൻസിപ്പൽ ഇൻ ചാർജ് ഡോ. സിജോ എം ടി, വൈസ് പ്രിൻസിപ്പൽ ഡോ. വി ഡി ജോൺ, എന്നിവർ അഭിനന്ദിച്ചു.