സി. ഐ. എസ്. സി.ഇ സ്പോർട്സ് ആൻ്റ് ഗെയിംസ് 2025-26 ൻ്റെ ഭാഗമായി ഇ- സോൺ തലത്തിൽ സംഘടിപ്പിച്ച നീന്തൽ മത്സരം ഇരിങ്ങാലക്കുട ഡോൺ ബോസ്കോ സ്കൂളിന്റെ ആതിഥേയത്വത്തിൽ സ്കൂളിൽ അക്വാട്ടിക് കോംപ്ലക്സിൽ നടന്നു. ഉദ്ഘാടനം സ്കൂളിന്റെ റെക്ടറും മാനേജറുമായ റവ. ഫാദർ ഇമ്മാനുവൽ വട്ടക്കുന്നേൽ നിർവഹിച്ചു. മത്സരത്തിൽ E – Zone ഉൾപ്പെടുന്ന വിവിധ സ്കൂളുകളിൽ നിന്നുള്ള നിരവധി വിദ്യാർത്ഥികൾ പങ്കെടുത്തു. വിവിധ വിഭാഗങ്ങളിലായി നടന്ന മത്സരം കായിക മികവിന്റെ ഉത്സവകാഴ്ച കാണികൾക്ക് സമ്മാനിച്ചു. ഫാ. ഇമ്മാനുവൽ വട്ടക്കുന്നേൽ ,ഫാ. ജിതിൻ മൈക്കിൾ ,ഫാ. ഷിനോ കളപ്പുരക്കൽ, ഫാ. ജിനോ കുഴിത്തൊട്ടിയിൽ, ഇ-സോൺ പി. ടി കോഡിനേറ്റർ ഷാജു എം പി , പി. ടി.എ പ്രസിഡൻറ് ശിവപ്രസാദ് ശ്രീധരൻ, ഫിസിക്കൽ എജുക്കേഷൻ ഇൻസ്ട്രക്ടർ ദിവ്യേഷ് വി വി, നീന്തൽ പരിശീലകനായ രാജീവ് ശിവൻ എന്നിവർ വേദിയിൽ സന്നിഹിതരായിരുന്നു. സി. ഐ. എസ്. സി. ഇ കേരള റീജിയൻ സ്പോർട്സ് കോഡിനേർ ബഹു. ഫാദർ ഷിനോ കളപ്പുരക്കൽ സ്വാഗതം ആശംസിച്ച ചടങ്ങിൽ ഇ- സോൺ പി. ടി കോഡിനേറ്റർ ഷാജു എം പി ആശംസയും, സ്കൂൾ സ്പോർട്സ് കോഡിനേറ്റർ ബിന്ദു ജോൺസൺ നന്ദിയും പറഞ്ഞു. വിജയികളായ വിദ്യാർഥികൾക്ക് മെഡലുകളും സർട്ടിഫിക്കറ്റുകളും നൽകി ആദരിച്ചു.
All reactions:
