പൂർവ്വ വിദ്യാർത്ഥി സ്നേഹ സംഗമം

ഇരിങ്ങാലക്കുട ഗവ.മോഡൽ ബോയ്സ് ഹൈസ്കൂളിൽ 1984-85 കാലയളവിൽ പഠിച്ചിരുന്ന പൂർവ്വ വിദ്യാർത്ഥികളുടെ സ്നേഹസംഗമം മുൻ കേരള പോലീസ് ഫുട്ബോൾ ടീം ക്യാപ്റ്റനും പോലിസ് കമാൻഡൻഡുമായ സി.പി. അശോകൻ കേക്ക് മുറിച്ച് ഉദ്ഘാടനം ചെയ്തു. വിജയ് പാറയിൽ അധ്യക്ഷത വഹിച്ചു. വിദ്യാധരൻ, ടെൽസൺ കോട്ടോളി, യൂസഫ്, രാധാകൃഷ്ണൻ, ദിനേഷ് കുമാർ, ഡോ.സാജു മാമ്പിള്ളി, രവി ബോംബെ,സുനിൽ ചെരടായി എന്നിവർ പ്രസംഗിച്ചു. സമ്മേളനത്തിൽ കേരള പോലിസിൽ നിന്ന് വിരമിക്കുന്ന സന്തോഷ് ട്രോഫി താരം കൂടിയായ സി.പി. അശോകനെ ആദരിച്ചു.