മഹാമാരിക്കെതിരായ നാടിൻ്റെ പോരാട്ടത്തിൽ അണിചേർന്ന് ഇരിങ്ങാലക്കുട ഫിലിം സൊസൈറ്റി

ഇരിങ്ങാലക്കുട: മഹാമാരിക്കെതിരായ നാടിൻ്റെ പോരാട്ടത്തിൽ അണിചേർന്ന് ഇരിങ്ങാലക്കുട ഫിലിം സൊസൈറ്റി പ്രവർത്തകരും.വാക്സിൻ ചലഞ്ചിൻ്റെ ഭാഗമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇരിങ്ങാലക്കുട ഫിലിം സൊസൈറ്റി സമാഹരിച്ച 25000 രൂപ സൊസൈറ്റി രക്ഷാധികാരി പി കെ ഭരതൻമാസ്റ്റർ ഉന്നത വിദ്യാഭ്യാസ വകുപ്പ് മന്ത്രി പ്രൊഫ. ആർ ബിന്ദുവിന് കൈമാറി. കച്ചവട സിനിമക്ക് ബദലായി ഒരു ചലച്ചിത്ര സംസ്കാരം രൂപപ്പെടുത്തി വാണിജ്യപരമായ ചിന്തയെ പ്രതിരോധിച്ച പാരമ്പര്യമാണ് ഇരിങ്ങാലക്കുട ഫിലിം സൊസൈറ്റിക്ക് ഉള്ളതെന്നും തൻ്റെ ഭാവുകത്വ പരിണാമത്തിൽ ഫിലിം സൊസൈറ്റി സ്വാധീനം ചെലുത്തിയിട്ടുണ്ടെന്നും മന്ത്രി പറഞ്ഞു. സാമൂഹിക പ്രതിബദ്ധതയോടെയുള്ള സൊസൈറ്റിയുടെ പ്രവർത്തനം അഭിനന്ദനാർഹമാണെന്നും മന്ത്രി ചൂണ്ടിക്കാട്ടി. വൈസ് – പ്രസിഡണ്ട് മനീഷ് വി. അരീക്കാട്ട്, സെക്രട്ടറി നവീൻ ഭഗീരഥൻ, ജോയിൻ്റ് സെക്രട്ടറി ജോസ് മാമ്പിള്ളി, ട്രഷറർ ടി ജി സച്ചിത്ത്, കമ്മിറ്റി അംഗങ്ങളായ രാജീവ് മുല്ലപ്പിള്ളി, എം എസ് ദാസൻ എന്നിവർ പങ്കെടുത്തു.

Hot this week

Topics

ഐ.ടി.യു ബാങ്ക് : ഇടപെടൽ ശക്തമാക്കി തോമസ് ഉണ്ണിയാടൻ എം എൽ എ

ഇരിങ്ങാലക്കുട: ഐ.ടി.യു ബാങ്ക് വിഷയത്തിൽ അടിയന്തര പരിഹാരം കാണണമെന്നാവശ്യപ്പെട്ട് തോമസ് ഉണ്ണിയാടൻ...

ക്രൈസ്റ്റ് വിദ്യാനികേതൻ സിൽവർ ജൂബിലി ‘ഫാ. ഗബ്രിയേൽ ട്രോഫി’ ഇന്റർസ്‌കൂൾ ഫുട്ബോൾ ടൂർണമെന്റിന് തുടക്കമായി

ഇരിങ്ങാലക്കുട: സിൽവർ ജൂബിലി ആഘോഷങ്ങളുടെ (Eclat '25) ഭാഗമായി ഇരിങ്ങാലക്കുട ക്രൈസ്റ്റ്...
spot_img

Related Articles

Popular Categories

spot_imgspot_img