കാട്ടൂര് : ഇരിങ്ങാലക്കുട ബ്ലോക്ക് പഞ്ചായത്തിന് കീഴിലുള്ള കാട്ടൂര് കമ്മ്യൂണിറ്റി ഹെല്ത്ത് സെന്ററിലെ കിടത്തിചികിത്സ പുനരാരംഭിക്കുന്നതിന് സംസ്ഥാന സര്ക്കാര് അടിയന്തിരമായി ഇടപെടണമെന്ന് സി പി ഐ കാട്ടൂര് ലോക്കല് കമ്മിറ്റി ആവശ്യപ്പെട്ടു. നൂറുവര്ഷത്തെ പ്രവര്ത്തന പാരമ്പര്യമുള്ള ഈ ആശുപത്രിയില് 60 രോഗികളെ കിടത്തി ചീകിത്സിക്കാനുള്ള എല്ലാ വിധ സൗകര്യങ്ങളും നിലവിലുണ്ട്. കാട്ടൂരിലെയും സമീപപ്രദേശങ്ങളിലെയും നൂറുകണക്കിന് രോഗികളുടെ അഭയകേന്ദ്രങ്ങളാണ് ഈ ആശുപത്രി.ആശുപത്രിയില് അടിസ്ഥാന സൗകര്യങ്ങള് ഒരുക്കുവാന് ബ്ലോക്ക്പഞ്ചായത്ത് മാതൃകാപരമായ നടപടികള് സ്വീകരിക്കുന്നുണ്ടെങ്കിലും ഡോക്ടര്മാരെ നിയമിക്കണമെന്ന ആവശ്യത്തിനു മുന്നില് അവര് നിസ്സഹായരാണ്. അതിനാല് സംസ്ഥാന സര്ക്കാരിന്റെ അടിയന്തിര ഇടപെടല് ഇക്കാര്യത്തില് അനിവാര്യമാണെന്ന് സി പി ഐ കാട്ടൂര് ലോക്കല് കമ്മിറ്റി അഭിപ്രായപ്പെട്ടു. ലോക്കല് കമ്മിറ്റി സെക്രട്ടറി എ ജെ ബേബി, മുഹമ്മദ്സൈനലബ്ദിന്, കെ പി രാജന്, എന്നിവര് സംസാരിച്ചു. ഈ വിഷയവുമായി ബന്ധപ്പെട്ട് സംസ്ഥാന കൃഷിവകുപ്പ് മന്ത്രി വി എസ് സുനില്കുമാര് വഴി ആരോഗ്യ വകുപ്പ് മന്ത്രിയ്ക്ക് മെമ്മോറാണ്ടം നല്കുവാനും തീരുമാനിച്ചു.
Popular Categories
Previous article![നടവരമ്പ് അണ്ടാണികുളത്തിന് സമീപം വീണ്ടും അപകടം]( "നടവരമ്പ് അണ്ടാണികുളത്തിന് സമീപം വീണ്ടും അപകടം")
Next article![പിതൃമോക്ഷത്തിനായി കര്ക്കിടക വാവ്ബലി സമര്പ്പിക്കാന് ഇരിങ്ങാലക്കുട വിശ്വനാഥപുര ക്ഷേത്രത്തില് ഭക്തജനതിരക്ക്]( "പിതൃമോക്ഷത്തിനായി കര്ക്കിടക വാവ്ബലി സമര്പ്പിക്കാന് ഇരിങ്ങാലക്കുട വിശ്വനാഥപുര ക്ഷേത്രത്തില് ഭക്തജനതിരക്ക്")
