Advertisement
ഇരിങ്ങാലക്കുട : ഇരിങ്ങാലക്കുട നഗരമദ്ധ്യത്തില്‍ പഴയചന്തപ്പുര റോഡില്‍ പാറേക്കാടന്‍ വീട്ടില്‍ ജോബിയുടെ വീട്ടിലാണ് ആക്രമണം നടന്നത്.വ്യാഴാഴ്ച്ച ഉച്ചതിരിഞ്ഞ് 5.30 തോടെയാണ് സംഭവം .വീട്ടില്‍ ഭീകരാന്തരീക്ഷം സൃഷ്ടിച്ച് ചെടിചട്ടികളും മറ്റും തകര്‍ക്കുകയും ജോബിയുടെ കാറിന്റെ രണ്ട് ഗ്ലാസുകളും തകര്‍ക്കുകയായിരുന്നു.ഇദേഹത്തിന്റെ ബദ്ധു കൂടിയായ വ്യക്തിയാണ് ആക്രമണം നടത്തിയതെന്ന് പറയുന്നു.ആക്രമണം കണ്ട് ഭയന്ന ജോബിയുടെ അമ്മ ആനീസിനെ ഇരിങ്ങാലക്കുട താലൂക്കാശുപത്രിയില്‍ പ്രവേശിപ്പിച്ചു.ആക്രമണം നടത്തിയ വ്യക്തിയുടെ സഹോദരിയുടെ വിവാഹം മുടക്കുന്നുവെന്ന് ആരോപിച്ചാണ് ആക്രമണം നടത്തുന്നത്.രണ്ട് മാസങ്ങള്‍ക്ക് മുന്‍പും ഇത്തരത്തില്‍ വീട് കയറി ആക്രമണം നടത്തി വീടിന്റെ വാതില്‍ ചവിട്ടിപൊളിച്ചതായും വീട്ടുക്കാര്‍ പറയുന്നു.ഇരിങ്ങാലക്കുട പോലീസില്‍ പരാതി നല്‍കിയിട്ടുണ്ട്.
