നടവരമ്പ് : സംസ്ഥാന കലോല്‍സവത്തില്‍ ഹയര്‍ സെക്കന്ററി വിഭാഗത്തില്‍ ഉറുദു പ്രസംഗത്തില്‍ ഒന്നാം സ്ഥാനം ലഭിച്ച നടവരമ്പ് ഗവ:ഹയര്‍ സെക്കന്ററി സ്‌കൂള്‍ വിദ്യാര്‍ത്ഥിയായ മുഹമ്മദ് അഫ്‌സലിനെ ഇരിങ്ങാലക്കുട എം.എല്‍ എ പ്രൊഫ. കെ യുഅരുണന്‍ സ്‌കൂളില്‍ എത്തി അനുമോദിച്ചു. എം.എല്‍.എയുടെ വകയായി ക്യാഷ് അവാര്‍ഡും നല്‍കി. മുഹമ്മദ് അഫ്‌സലിന് വീടുവക്കുന്നതിനാവശ്യമായ നാല് സെന്റ് ഭുമി അമരേന്ദ്രന്‍ എന്ന വ്യക്തി വാങ്ങി നല്‍കാമെന്ന് വാഗ്ദാനം ചെയ്തതായി എം.എല്‍ എ അറിയിച്ചു. വേളൂക്കര ഗ്രാമപഞ്ചായത്ത് പ്രസിഡന്റ് ഇന്ദിരാ തിലകന്‍ ,പി .റ്റി എ പ്രസിഡന്റ് എം.കെ മോഹനന്‍ ,പ്രിന്‍സിപ്പാള്‍ എം.നാസറുദ്ദീന്‍ എന്നിവര്‍ പ്രസംഗിച്ചു.മുഹമ്മദ് അഫ്‌സല്‍ മറുപടി പ്രസംഗം നടത്തി.
