സംഗമേശ്വര വാനപ്രസ്ഥാശ്രമത്തിന്റെ ബ്രോഷർ പ്രകാശനം ചെയ്തു

ഇരിങ്ങാലക്കുട: സേവാഭാരതിയുടെ നേതൃത്വത്തിൽ കൂടൽമാണിക്യം വടക്കെ നടയിൽ പ്രവർത്തിച്ചു വരുന്ന സംഗമേശ്വര വാനപ്രസ്ഥാശ്രമത്തിന്റെ പുതുതായി പണിയുന്ന കെട്ടിടത്തിന്റെ ബ്രോഷർ പ്രകാശനം നാഷണൽ ഹൈസ്കൂൾ മാനേജർ വി.പി.ആർ മേനോൻ & രുഗ്മിണി രാമചന്ദ്രൻ എന്നിവർ നിർവഹിച്ചു. ജനുവരി 24 ന് മുൻ. ഐ.സ്.ആർ.ഓ. ചെയർമാൻ ഡോ.കെ.രാധാകൃഷ്ണൻ ആശ്രമത്തിന്റെ ശിലാസ്ഥാപനം നടത്തുമെന്ന് യോഗത്തിൻ അദ്ധ്യക്ഷത വഹിച്ച സേവാഭാരതി പ്രസിഡണ്ട് ശിവാനന്ദൻ ഐ.കെ അറിയിച്ചു .സേവാഭാരതി സെക്രട്ടറി പി.കെ.ഉണ്ണികൃഷ്ണൻ, ജില്ലാ സെക്രട്ടറി പി.ഹരിദാസ്,കോ.ഓർഡിനേറ്റർ ശിവദാസ് പള്ളിപ്പാട്ട് എന്നിവർ ആശംസകൾ അർപ്പിച്ചു. യോഗത്തിൽ സ്വാഗതം ആശ്രമം കമ്മിറ്റി ചെയർമാൻ ഗോപിനാഥൻ പീടികപറമ്പിലും,നന്ദി ജനറൽ കൺവീനർ സതീഷ് പള്ളിച്ചാടത്തും പറഞ്ഞു.