അതിഥി തൊഴിലാളികളുടെ ക്യാമ്പ് സന്ദർശിച്ച് അടിസ്ഥാന സൗകര്യങ്ങൾ ഉറപ്പാക്കി

കാട്ടൂർ :കോവിഡ് 19 ന്റെ പശ്ചാത്തലത്തിൽ ഹൈക്കോടതി അമിക്കസ്‌ക്യൂറിയായി നിശ്ചയിച്ച തൃശ്ശൂർ ജില്ല ഇരിങ്ങാലക്കുട ഡിവിഷൻ ജഡ്ജ് രാജീവൻ കാട്ടൂരിലെ അതിഥി തൊഴിലാളികളെ പുനരധിവസിപ്പിച്ച കാട്ടൂർ ഗവ:ഹൈസ്‌കൂളിലെ ക്യാമ്പും സ്മാർട് ഫാക്ടറിയിലെ ലേബർ ക്യാമ്പും സന്ദർശിക്കുകയുണ്ടായി. അവർക്കുള്ള ഭക്ഷണത്തിന്റെ ലഭ്യത,താമസിക്കുവാനുള്ള സൗകര്യം,ആരോഗ്യ നില,അടിസ്ഥാന സൗകര്യങ്ങൾ തുടങ്ങിയവ പരിശോധിച്ച് ക്ഷേമം ഉറപ്പുവരുത്തുക ആയിരുന്നു സന്ദർശനത്തിന്റെ പ്രധാന ഉദ്ദേശ്യം.കൃത്യമായ പരിചരണവും അവർക്ക് വേണ്ട സൗകര്യങ്ങൾ ഒരുക്കുന്നതിൽ മികവ് പുലർത്തുന്നതിനെയും അവരിൽ നിന്ന് തന്നെ മനസ്സിലാക്കികൊണ്ട്, പഞ്ചായത്തിന്റെ പ്രവർത്തികളെ അദ്ദേഹം പ്രശംസിച്ചു.വരും ദിവസങ്ങളിൽ ക്യാമ്പുകൾ അണുവിമുക്തമാക്കുന്ന പ്രവർത്തികൾ ഉൾപ്പെടെ ചെയ്യുന്നതിന് അഗ്നിശമന സേനയുടെ സഹായം ഉപയോഗപ്പെടുത്താൻ പഞ്ചായത്ത് പ്രസിഡന്റ് ടി.കെ.രമേഷിനോട് നിർദ്ദേശിച്ചും കൊണ്ടാണ് അദ്ദേഹം തിരിച്ചുപോയത്.ഇരിഞ്ഞാലക്കുട ഡിവിഷണൽ ലേബർ ഓഫീസർ ഉൾപ്പെടെയുള്ള ടീമിനെ പഞ്ചായത്ത് പ്രസിഡന്റ് ടി.കെ.രമേഷ്, സെക്രട്ടറി കെ.ആർ.സുരേഷ് എന്നിവർ അനുഗമിച്ചു.

Hot this week

Topics

ഐ.ടി.യു ബാങ്ക് : ഇടപെടൽ ശക്തമാക്കി തോമസ് ഉണ്ണിയാടൻ എം എൽ എ

ഇരിങ്ങാലക്കുട: ഐ.ടി.യു ബാങ്ക് വിഷയത്തിൽ അടിയന്തര പരിഹാരം കാണണമെന്നാവശ്യപ്പെട്ട് തോമസ് ഉണ്ണിയാടൻ...

ക്രൈസ്റ്റ് വിദ്യാനികേതൻ സിൽവർ ജൂബിലി ‘ഫാ. ഗബ്രിയേൽ ട്രോഫി’ ഇന്റർസ്‌കൂൾ ഫുട്ബോൾ ടൂർണമെന്റിന് തുടക്കമായി

ഇരിങ്ങാലക്കുട: സിൽവർ ജൂബിലി ആഘോഷങ്ങളുടെ (Eclat '25) ഭാഗമായി ഇരിങ്ങാലക്കുട ക്രൈസ്റ്റ്...
spot_img

Related Articles

Popular Categories

spot_imgspot_img