ഇരിങ്ങാലക്കുട : വയനാട് വന്യജീവി സങ്കേതത്തിലെ കുറിച്ച്യാടു വനത്തില് ഇരിങ്ങാലക്കുട ക്രൈസ് ജൈവവൈവിദ്ധ്്യഗവേഷകര് നടത്തിയ പഠനത്തിലാണ് ചാട്ട ചിലന്തി കുടുംബത്തില് വരുന്ന പുതിയ ചിലന്തിയെ കണ്ടെത്തിയത്. കൊകാലസ് ലസിനിയ എന്ന പേരാണ് അതിനു നല്കിയിരിക്കുന്നത്. 8 മില്ലിമീറ്ററോളം വലുപ്പം ആണ് ചിന്തിക്കും 13 മില്ലിമീറ്ററോളം വലുപ്പം പെണ് ചിലന്തിക്കുമുണ്ട്. തേക്കുമരങ്ങളുടെ തൊലിയിലെ വിടവുകളില് പകല് ഒളിച്ചിരിക്കുന്ന ഇവ രാത്രി മാത്രമാണ് ഇരതേടാന് ഇറങ്ങുന്നത്. ഇത്തരം ചിലന്തിയെ ഇതിനു മുന്പ് ഓസ്ട്രേലിയായിലെ ക്യൂന്ലാന്റിലാണ് കണ്ടെത്തിയിട്ടുള്ളത്. ഭൂമിയുടെ വളരെ ദൂരെയുള്ള രണ്ടു ഭാഗങ്ങളില് നിന്നു കണ്ടെത്തിയ ഇത്തരം ചിലന്തികള് ലക്ഷകണക്കിനു വര്ഷങ്ങള്ക്കുമുന്പ് ഭൂമിയിലെ എല്ലാ ഭൂഖണ്ഡങ്ങളും കൂടിചേര്ന്ന് ഒറ്റഭൂഖണ്ഡമായിരുന്നുവെന്നും അതു പിളര്ന്നാണ് ഇന്നുകാണുന്ന ഭൂഖണ്ഡമുണ്ടായതെന്നും പറയുന്ന മഹാവിസ്ഫോടന സിദ്ധാന്തത്തിന് പിന്തുണയേകുന്നതാണ്. ജൈവവൈവിധ്യ ഗവേഷണ മേധാവി ഡോ.സുധിര്കുമാര് എ.വി. യുടെ നേതൃത്വത്തില് കേന്ദ്ര സാങ്കേതിക വകുപ്പിന്റെ സാമ്പത്തിക സഹായത്തോടെ നടത്തിയ പഠനത്തില് ഗവേഷണ വിദ്യാര്ത്ഥികളായ സുധിന്പി.പി., നഫിന്കെ.എസ്., സിമേഷ് എല്.വി., എന്നിവര് പങ്കാളികളായി.
