ഇരിങ്ങാലക്കുട : കേരള ലോയേഴ്സ് ക്ലാര്‍ക്ക്സ് അസ്സോസിയേഷന്‍ തൃശ്ശൂര്‍ ജില്ലാ സമ്മേളനം ഇരിങ്ങാലക്കുടയില്‍ 2017 ഫെബ്രുവരി 11 ശനിയാഴ്ച അയ്യങ്കാവിന് സമീപം പ്രിയ ഹാളില്‍ വച്ചു നടക്കും. ജില്ലാ പ്രസിഡണ്ട് സതീശന്‍ തലപ്പുറത്ത് അദ്ധ്യക്ഷത വഹിക്കുന്ന ചടങ്ങില്‍ ഇരിങ്ങാലക്കുട എം.എല്‍.എ കെ.യു അരുണന്‍ മാസ്റ്റര്‍ ഉദ്ഘാടനകര്‍മ്മം നിര്‍വ്വഹിക്കും.ഇരിങ്ങാലക്കുട അഡീഷണല്‍ ജില്ലാ സെഷന്‍സ് ആന്റ് മാക്ട് ജഡ്ജി ജി.ഗോപകുമാര്‍ മുഖ്യാതിഥിയും മുന്‍ ചീഫ് വിപ്പ് അഡ്വ.തോമസ് ഉണ്ണിയാടന്‍ മുഖ്യപ്രഭാഷണം നടത്തും.സംഘടനാ കാര്യങ്ങളെക്കുറിച്ച് കെ.എല്‍.സി.എ സംസ്ഥാന സെക്രട്ടറി രാജമാണിക്യം സംസാരിക്കും.മുനിസിപ്പല്‍ ചെയര്‍ പേഴ്സണ്‍ നിമ്യ ഷിജു,ഗവ.പ്ലീഡര്‍ ആന്റ് പബ്ലിക് പ്രൊസിക്യൂട്ടര്‍ പി.ജെ. ജോബി ,ഇരിങ്ങാലക്കുട ബാര്‍ അസോസിയേഷന്‍ പ്രസിഡണ്ട് രാജേഷ് തമ്പാന്‍ എന്നിവര്‍ ആശംസകള്‍ അറിയിക്കും.
Advertisement
