സ്ക്കൂളുകളിലെയും കോളേജിലെയും വർധിച്ചുവരുന്ന ലഹരിയുടെ ഉപയോഗം സ്പോർട്സിലൂടെ നിർമ്മാർജനം ചെയ്യാം എന്ന സന്ദേശവുമായി
ക്രൈസ്റ്റ് കോളേജിലെ ബി.പി.ഇ. ഡിപ്പാർട്ട്മെന്റിന്റെ ആഭിമുഖ്യത്തിൽ ലഹരിക്കെതിരേയുളള ക്യാംപെയ്ൻ ക്രൈസ്റ്റ് കോളേജ് ഓഡിറ്റോറിയത്തിൽ വെച്ച് ബഹുമാന്യയായ ഉന്നതവിദ്യാഭ്യാസ – സാമൂഹ്യ നീതിവകുപ്പ് മന്ത്രി ശ്രീമതി ഡോ. ആർ. ബിന്ദു ഉദ്ഘാടനം നിർവഹിച്ചു. ക്യാമ്പയിനിങ്ങിന്റെ ഭാഗമായി സ്പോർട്സിൻറ പ്രധാനൃം വിളിച്ചോതുന്ന എയറോബിക്സ്, ഫുട്ബോൾ ഡാൻസ്, ഗെയിം എക്സിബിഷൻ എന്നിവ ബി പി ഇ ഡിപ്പാർട്ട്മെൻറ് വിദ്യാർത്ഥികൾ അവതരിപ്പിച്ചു. കോളജ് മാനേജർ ഫാ. ജോയ് പീണിക്കപറമ്പിലിൻ്റെ അധൃക്ഷതയിൽ ചേർന്ന ക്യാംപെയ്ൻ പരിപാടിക്ക് കോളജ് പ്രിൻസിപ്പൽ ഫാ. ഡോ. ജോളി ആൻഡ്രൂസ് സ്വാഗതവും, ബി. പി. ഇ ഡിപ്പാർട്ട്മെൻ്റ് മേധാവി ഡോ. അനിൽകുമാർ നന്ദിയും പ്രകാശിപ്പിച്ചു.
ലഹരിക്കെതിരെയുള്ള ഈ കൂട്ടായ പ്രവർത്തനം ജില്ലയിലെ മറ്റ് സ്കൂളുകളിലും കോളേജുകളിലും വ്യാപിപ്പിക്കുന്നത്തിൻ്റെ ഔദ്യോഗിക ഉദ്ഘാടനമാണ് ബഹു. മന്ത്രി ഇന്ന് നിർവഹിച്ചത്. ബി. പി. ഇ ഡിപ്പാർട്ട്മെൻ്റിലെ വിദ്യാർഥികൾ അധ്യാപകരുടെ നേതൃത്വത്തിൽ സ്പോർട്സിലൂടെ ലഹരിയിൽ നിന്നും മോചനം എന്ന ആശയത്തിലൂന്നിയ വിവിധ പരിപാടികൾ വരും ദിവസങ്ങളിൽ സംഘടിപ്പിക്കും.
