മലയാളം
English
സഹകരണസംഘം ജീവനക്കാരോടുള്ള സംസ്ഥാന സര്‍ക്കാരിന്റെ അവഗണനഅവസാനിപ്പിക്കുക, ക്ഷാമബത്ത് കുടിശിക ഉടന്‍ അനുവദിക്കുക, കയര്‍, കൈത്തറി സംഘങ്ങളെ സംരക്ഷിക്കുക, ക്ഷീരസംഘങ്ങളില്‍ 80-ാം വകുപ്പ് പൂര്‍ണ്ണമായും നടപ്പിലാക്കുക, കളക്ഷന്‍ ഏജന്റുമാരേയും അപ്രൈസര്‍മാരേയും സ്ഥിരപ്പെടുത്തുക,സാമൂഹ്യക്ഷേമ പെന്‍ഷന്‍ വിതരണത്തിന്റെ ഇന്‍സെന്റ്രീവ് മുന്‍കാലത്തോടെ വെട്ടിക്കുറച്ച നടപടി പിന്‍വലിക്കുക, സഹകരണമേഖലയിലും ആരോഗ്യ ഇന്‍ഷുറന്‍സ് നടപ്പാക്കുക തുടങ്ങിയവ ആവശ്യങ്ങള്‍ ഉന്നയിച്ചുകൊണ്ട് നടത്തുന്നജാഥ ഇരിങ്ങാലക്കുടയില്‍ ഇരിങ്ങാലക്കുട പാര്‍ട്ടി മണ്ഡലം സെക്രട്ടറി പി.മണി ഉദ്ഘാടനം ചെയ്തു. എഐടിയുസി മണ്ഡലം സെക്രട്ടറി കെ.കെ.ശിവന്‍ അദ്ധ്യക്ഷത വഹിച്ചു. എന്‍.കെ.ഉദയപ്രകാശ്, വിനയ സന്തോഷ്, കെ.സി.ബിന്ദു, ടി.എസ്.കൃഷ്ണകുമാര്‍, പി.എസ്.രമ്യ, ബാബു ചിങ്ങാരത്ത്, മോഹനന്‍ വലിയവീട്ടില്‍, കെ.സി.ബിജു, അനിത രാധാകൃഷ്ണന്‍ തുടങ്ങിയവര്‍ സംസാരിച്ചു.
