ഇരിങ്ങാലക്കുട : ക്രൈസ്റ്റ് കോളേജിലെ എന്‍ എസ് എസ് യൂണിറ്റും ആളൂര്‍ ഗ്രാമപഞ്ചായത്തിലെ നാലാം വാര്‍ഡും സംയുക്തമായി ഉപയോഗശൂന്യമായ കുളം വൃത്തിയാക്കി. ആളൂര്‍ പഞ്ചായത്തിലെ കട്ടന്‍തോട് എന്ന പ്രദേശത്തേ തൊപ്രാന്‍കുളമാണ് ക്രൈസ്റ്റ് കോളേജിലെ എന്‍ എസ് എസ് വളണ്ടിയേഴ്സ് വൃത്തിയാക്കി സംരക്ഷിച്ചത്.നാല്‍പതോളം എന്‍ എസ് എസ് വളണ്ടിയേഴ്സ് പങ്കെടുത്ത രണ്ടു ദിവസത്തെ വേനല്‍ ക്യാമ്പിനോടനുബന്ധിച്ചായിരുന്നു പ്രവര്‍ത്തനം നടന്നത്.പായലും കുള വാഴയും കൊണ്ട് വ്യത്തിഹീനമായിരുന്ന കുളം അഞ്ചു മണിക്കൂര്‍ നീണ്ട പരിശ്രമത്തിലാണ് വ്യത്തിയാക്കിയത്.ക്രൈസ്റ്റ് കോളേജിലെ എന്‍ എസ് എസ് കോര്‍ഡിനേറ്ററും പ്രൊഫസറുമായ അരുണ്‍ ബാലകൃഷ്ണന്‍,വാര്‍ഡ് മെമ്പറായ നീതു ,ആന്‍സണ്‍.അഭിരാജ് ,ആദര്‍ശ്,അതുല്‍ എന്നിവര്‍ നേതൃത്വം നല്‍കി
Advertisement
