കത്തോലിക്ക കോൺഗ്രസ് കുടുബസംഗമം നടത്തി

കരുവന്നൂർ സെൻ്റ് മേരീസ് പള്ളിയിലെ കത്തോലിക്ക കോൺഗ്രസിൻ്റെ ആഭിമുഖ്യത്തിൽ സ്വർഗ്ഗീയ മധ്യസ്ഥനായ വിശുദ്ധ തോമസ് മൂറിൻ്റെ തിരുനാളും സംഘടനയുടെ വാർഷികവും വിവിധ പരിപാടികളോടെ നടത്തപ്പെട്ടു. തിരുനാൾ ദിവ്യബലിക്ക് യൂണിറ്റ് ഡയറക്ടർ ഫാ ഡേവിസ് കല്ലിങ്ങൽ കാർമ്മികത്വം വഹിച്ചു. തുടർന്ന് പതാക വന്ദനം നടത്തി. വൈകീട്ട് നടന്ന വാർഷിക സമ്മേളനവും അംഗങ്ങളുടെ ഫാമിലി മീറ്റും രൂപത ഡയറക്ടർ ഫാ ലിജു മഞ്ഞപ്രക്കാരൻ ഉദ്ഘാടനം ചെയ്തു. യൂണീറ്റ് ഡയറക്ടർ ഫാ ഡേവിസ് കല്ലിങ്ങൽ മുഖ്യപ്രഭാഷണം നടത്തി. ചടങ്ങിൽ പ്രസിഡണ്ട് ജോസഫ് തെക്കൂടൻ അധ്യക്ഷനായിരുന്നു. പള്ളി കൈക്കാരൻ ലൂയിസ് തറയിൽ ആശംസ പ്രസംഗം നടത്തി. ജനറൽ സെക്രട്ടറി റാഫേൽ പെരുമ്പുള്ളി വാർഷിക റിപ്പോർട്ട് അവതരിപ്പിച്ചു. വൈസ് പ്രസിഡൻ്റ് ഷാബു വിതയത്തിൽ സ്വാഗതവും കൺവീനർ ക്ലീറ്റസ് ഇലഞ്ഞിക്കൽ നന്ദിയും പറഞ്ഞു. വാർഷികത്തോടനുബന്ധിച്ച് ഇടവകയിലെ നിർദ്ധനരായ വിദ്യാർത്ഥികൾക്ക് സൗജന്യ നോട്ടു പുസ്തകങ്ങൾ വിതരണം ചെയ്തു. SSLC ഫുൾ A+ ലഭിച്ച വിദ്യാർത്ഥികളെ കാഷ് അവാർഡ് നൽകി അനുമോദിച്ചു. കുടുംബാഗങ്ങളുടെ വിവിധ കലാപരിപാടികൾ ക്കു ശേഷം സ്നേഹവിരുന്നും ഉണ്ടായിരുന്നു