നിസ്വാർത്ഥ സേവനത്തിൻ്റെ പ്രതീകമാണ് ചന്ദ്രേട്ടൻ – ജയരാജ് വാര്യർ

ഇരിങ്ങാലക്കുട : സമൂഹത്തിനു വേണ്ടി സ്വയം സമർപ്പിച്ച ചന്ദ്രട്ടൻ , നിസ്വാർത്ഥ സേവനത്തിൻ്റെ പ്രതീകമാണെന്ന് ജയരാജ് വാര്യർ അനുസ്മരിച്ചു. കെ.വി. ചന്ദ്രൻ്റെ മൂന്നാം ചരമവാർഷിക അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം – ഒരിക്കലും അസ്തമിക്കാത്ത സ്നേഹത്തിൻ്റെ നിലാവാണ് ചന്ദ്രൻ വാര്യർ എന്ന് കൂട്ടി ചേർത്തു. അനുസ്മരണ സമിതി ചെയർപേഴ്സൺ സോണിയ ഗിരി അധ്യക്ഷത വഹിച്ചു. കൂടിയാട്ട കലാചാര്യൻ വേണുജി മുഖ്യ അനുസ്മരണ പ്രഭാഷണം നടത്തി. വാർഡ് കൗൺസിലർ സ്മിതകൃഷ്ണകുമാർ ആശംസകളർപ്പിച്ചു. കൺവീനർ എ.എസ്. സതീശൻ സ്വാഗതവും , ട്രഷറർ എ.സി. സുരേഷ് നന്ദിയും പറഞ്ഞു. സദനം കൃഷ്ണൻ കുട്ടി , എം.പി. ജാക്സൺ, ഇ. ബാലഗംഗാധരൻ, സി. പി. കൃഷ്ണൻ, അമ്പിളി ജയൻ, വി.വി. ഗിരീശൻ, എം.കെ. അനിയൻ, ശിവദാസ് പള്ളിപ്പാട്ട് എന്നിവർ സംസാരിച്ചു. ചന്ദ്രേട്ടന് സ്മാരകം നിർമ്മിക്കുന്നതിന് അനുസ്മരണ സമിതി തീരുമാനിച്ചു. അടുത്ത വർഷത്തിനുള്ളിൽ സ്ഥലം വാങ്ങുന്നതിനും , പിന്നീട് രണ്ട് വർഷത്തിനുള്ളിൽ കെട്ടിടം പണി പൂർത്തീകരിക്കുന്നതും മാണ്.