കയ്പമംഗലം : മൂന്ന്പീടിക പള്ളിവളവിൽ പ്രവർത്തിക്കുന്ന ഗുരുപ്രഭ എന്ന പ്രൈവറ്റ് ഫിനാൻസ് സ്ഥാപനത്തിൽ 02-08-2023 തിയ്യതി 20 ഗ്രാം തൂക്കമുള്ള മുക്കുപണ്ടമായ കൈചെയിനും 21-10-2023 തിയ്യതി 8.30 ഗ്രാം തൂക്കം വരുന്ന മുക്ക് പണ്ടമായ വളയം അസ്സൽ സ്വർണ്ണമാണെന്ന് ജീവനക്കാരെ പറഞ്ഞ് വിശ്വസിപ്പിച്ച് മുക്കുപണ്ടങ്ങൾ സ്ഥാപനത്തിൽ പണയം വെച്ച് 1,10,000/- രൂപ കൈപറ്റി തട്ടിപ്പ് നടത്തിയതിന് സ്ഥാപനത്തിലെ മാനേജരായ പെരിഞ്ഞനം സ്വദേശിനിയുടെ പരാതിയിൽ കയ്പമംഗലം പോലീസ് സ്റ്റേഷനിൽ രജിസ്റ്റർ ചെയ്ത കേസിലെ പ്രതിയായ കയ്പമംഗലം ചളിങ്ങാട് സ്വദേശി മേനോത്ത് വീട്ടിൽ ഷാജി 52 വയസ് എന്നയാളെയാണ് കയ്പമംഗലം പോലീസ് അറസ്റ്റ് ചെയ്തത്. നടപടിക്രമങ്ങൾക്ക് ശേഷം കോടതിയിൽ ഹാജരാക്കിയ പ്രതിയെ 06-07-2025 തിയ്യതി റിമാന്റ് ചെയ്തു.
ഷാജി കയ്പമംഗലം, വലപ്പാട് പോലീസ് സ്റ്റേഷനിൽ രണ്ട് തട്ടിപ്പ് കേസുകളിലും, പണം വെച്ച് ചീട്ടുകളിൽ മൂന്ന് കേസുകളിലും മറ്റൊരാളുടെ ജീവന് അപകടം വരത്തക്ക വിധം അശ്രദ്ധമായി വാഹനമോടിച്ച ഒരു കേസും അടക്കം 6 ക്രിമിനൽകേസുകളിലെ പ്രതിയാണ്.
കൈപ്പമംഗലം പോലീസ് സ്റ്റേഷൻ ഇൻസ്പെക്ടർ ബിജു, സബ് ഇൻസ്പെക്ടർ അഭിലാഷ്, സീനിയർ സിവിൽ പോലീസ് ഓഫീസർമാരായ ജ്യോതിഷ്, ഫറൂഖ്, സിവിൽ പോലീസ് ഓഫീസർ സുജിത്ത് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
