സമേതം ദ്വിദിന ശില്പശാല ആരംഭിച്ചു

ഇരിങ്ങാലക്കുട : ജില്ലാ പഞ്ചായത്തും നഗരസഭയും ചേർന്ന് നഗരസഭാ പരിധിയിലുള്ള വിവിധ വിദ്യാലയങ്ങളിലെ കുട്ടികൾക്കായി നടത്തുന്ന വ്യക്തിത്വ വികാസശില്പശാല 23/2/2023 വ്യാഴാഴ്ച നാഷണൽ ഹയർ സെക്കന്ററി സ്കൂളിൽ ആരംഭിച്ചു.രണ്ടു ദിവസം നീണ്ടു നിൽക്കുന്ന ശില്പ ശാലയിൽ ഇരിങ്ങാലക്കുട ഗവൺമെന്റ് ബോയ്സ് ,ഗേൾസ്, നാഷണൽ എന്നീ സ്കൂളുകളിലെ 50 കുട്ടികൾ പങ്കെടുക്കുന്നു പ്രസ്തുത യോഗത്തിൽ ഹെഡ്മിസ്ട്രസ് സുനീതി ടീച്ചർ സ്വാഗതം പറഞ്ഞു. പി. ടി എ പ്രസിഡന്റ് അധ്യക്ഷത വഹിച്ച യോഗത്തിൽ വാർഡ് കൗൺസിലർ സ്മിത കൃഷ്ണ കുമാർ ശില്പശാല ഉദ്ഘാടനം നിർവഹിച്ചു. ക്യാമ്പ് കോ ഓർഡിനേറ്റർ ഷിജി പൗലോസ് നന്ദി പറഞ്ഞു. സായ്ജിത്, രഞ്ജിത്ത് ഡിങ്കി എന്നീ വിദഗ്ധരായ പരിശീലകരുടെ നേതൃത്വത്തിൽ വ്യക്തിത്വ വികാസ ശില്പശാല, നാടകക്കളരി എന്നിവ കുട്ടികൾക്കായി ഒരുക്കി.