2022-23,അധ്യയന വര്‍ഷം എസ്എല്‍എല്‍സി, പ്ലസ്ടൂ പരീക്ഷ വിജയിച്ച കല്ലംകുന്ന് ദേശത്തെ മുഴുവന്‍ വിദ്യാര്‍ത്ഥികളെയും, മുതിര്‍ന്ന കോണ്‍ഗ്രസ് പ്രവര്‍ത്തകരെയും ആദരിച്ചു.കോണ്‍ഗ്രസ് യൂണിറ്റ് പ്രസിഡന്റ് ബിനോയ് എന്‍.വി കല്ലംകുന്ന് സെന്ററില്‍ വച്ചു ദേശീയ പതാക ഉയര്‍ത്തി, തുടര്‍ന്ന് നടന്ന അനുമോദന ചടങ്ങില്‍ കാട്ടൂര്‍ ബ്ലോക്ക് കോണ്‍ഗ്രസ് പ്രസിഡന്റ് ഷാറ്റൊ കുര്യന്‍ ഉദ്ഘടന പ്രസംഗം നടത്തി, മുതിര്‍ന്ന കോണ്‍ഗ്രസ് പ്രവര്‍ത്തകരെ ആദരിച്ചു.വെളൂക്കര പഞ്ചായത്ത് വൈസ് പ്രസിഡന്റ് ജിന്‍സി ബിജു,17 വാര്‍ഡ് അംഗം മാത്യു,12 വാര്‍ഡ് അംഗം സ്വപ്ന സെബാസ്റ്റ്യന്‍ എന്നിവര്‍ ആശംസകള്‍ അര്‍പ്പിച്ച് സംസാരിച്ചു. എസ്എസ്എല്‍സി, പ്ലസ്ടൂ ജേതാക്കളെ അനുമോദിച്ചു. പോള്‍സണ്‍ പി.ആര്‍,സി.വി. മൈക്കിള്‍,കനക പ്രസാദ്, ഹെല്‍ജോ സ്റ്റാന്‍ലി എന്നിവരും ഈ ചടങ്ങില്‍ പങ്കെടുത്ത് പ്രസംഗിച്ചു.
