പ്രതിക്ക് ലോഡിങ്ങ് പണി ചെയ്യുന്നതിന് വെള്ള പേപ്പറിൽ ഒപ്പിട്ട് കൊടുക്കണമെന്ന് ആവശ്യപ്പെട്ടത് നിരാകരിച്ചതിലുള്ള വൈരാഗ്യത്താൽ ശനിയാഴ്ച ഉച്ചക്ക് 01.30 മണിയോടെ ചന്തപ്പുര ST Thomas church നു മുൻ വശം വച്ച് തടഞ്ഞ് നിർത്തി ലോഡിങ്ങ് തെഴിലാളികളായ ലോകമല്ലേശ്വരം പറയൻപറമ്പ് സ്വദേശികളായ രാമൻകുളത്ത് വീട്ടിൽ സുരേഷ് 55 വയസ്, പടിക്കൽ വീട്ടിൽ ആനന്ദൻ 64 വയസ് എന്നിവരെ ആക്രമിച്ച് പരിക്കേൽപ്പിച്ച സംഭവത്തിന് സുരേഷിന്റെ പരാതിയിൽ കൊടുങ്ങല്ലൂർ പോലീസ് സ്റ്റേഷനിൽ കേസ് രജിസ്റ്റർ ചെയ്തിരുന്നു. ഈ കേസിലെ പ്രതിയായ ലോകമല്ലേശ്വരം പറയൻപറമ്പ് സ്വദേശി കോട്ടാതുരത്തി വീട്ടിൽ ഉണ്ണിക്കണ്ണൻ എന്നറിയപ്പെടുന്ന അജിത്ത് 37 വയസ് എന്നയാളെയാണ് കൊടുങ്ങല്ലൂർ പോലീസ് അറസ്റ്റ് ചെയ്തത്. നടപടിക്രമങ്ങൾക്ക് ശേഷം പ്രതിയെ കോടതിയിൽ ഹാജരാക്കും.
അജിത്ത് കൊടുങ്ങല്ലൂർ പോലീസ് സ്റ്റേഷൻ റൗഡിയും 4 വധശ്രമക്കേസിലും, 1 കവർച്ചക്കേസിലും, 5 അടിപിടിക്കേസിലും, പോലീസുദ്ദ്യോഗസ്ഥരുടെ ഡ്യൂട്ടി തടസപ്പെടുത്തിയ 1 കേസിലും, വീടുകയറി ആക്രമണം നടത്തിയ 2 കേസിലും, ലഹരിക്കടിമപ്പെട്ട് പൊതുജനങ്ങളെ ശല്യം ചെയ്ത 3 കേസിലും, മറ്റുള്ളവരുടെ ജീവന് അപകടം ഉണ്ടാക്കുന്ന പ്രവർത്തി ചെയ്ത 2 കേസിലും അടക്കം 18 ക്രമിനൽകേസിലെ പ്രതിയുമാണ്.
കൊടുങ്ങല്ലൂർ പോലീസ് സ്റ്റേഷൻ ഇൻസ്പെക്ടർ അരുൺ.ബി.കെ, സബ് ഇൻസ്പെക്ടർ മാരായ സാലിം.കെ, കശ്യപൻ.ടി.എം, സി.പി.ഒ. മാരായ ഷമീർ, വിഷ്ണു എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
