ഇരിങ്ങാലക്കുട:ബസിന്റെ അമിത വേഗതയും അശ്രദ്ധമായ വാഹനമോടിക്കലും മൂലം നിരവധി ജീവനുകളാണ് അപകടങ്ങളില് നഷ്ടമാവുന്നത്. ബസുകളുടെ മരണപ്പാച്ചിലിനിടെ ഇരിങ്ങാലക്കുട കോലോത്തുംപടിയില് വ്യാഴാഴ്ച ഉണ്ടായ അപടത്തില് ഗൃഹനാഥന് ദാരുണമായി കൊല്ലപ്പെട്ട സംഭവത്തില് ഡി.വൈ.എഫ്.ഐ പ്രതിഷേധിച്ചു. റോഡ് ഉപരോധിച്ചും അപകട സ്ഥലത്ത് മെഴുകുതിരി കത്തിച്ചും ഡി.വൈ.എഫ്.ഐ സംഘടിപ്പിച്ച പ്രതിഷേധ പരിപാടി സംസ്ഥാന കമ്മിറ്റി അംഗം ആര്.എല്.ശ്രീലാല് ഉദ്ഘാടനം ചെയ്തു. ബ്ലോക്ക് പ്രസിഡണ്ട് പി.കെ. മനുമോഹന്, സെക്രട്ടേറിയറ്റ് അംഗം വി.എച്ച്.വിജീഷ്, വി.എച്ച്.സഫീര്, അക്ഷയ് തറയില്, പി.ആര്.രാഹുല്, എം.കെ.അജീഷ്, കെ.എസ്.അക്ഷയ് എന്നിവര് നേതൃത്വം നല്കി.
