സംരക്ഷണാനുകൂല്യം ലഭിച്ച അധ്യാപകർ കെ.എസ് ടി എ അംഗത്വമെടുത്തു

2022 മാർച്ച് 31 വരെ ജോലിയിൽ പ്രവേശിച്ച എയ്ഡഡ് വിദ്യാലയങ്ങളിലെ അധ്യാപകർക്ക് പ്രൊട്ടക്ഷൻ ഉറപ്പാക്കികൊണ്ട് ഉത്തരവിറക്കിയ ഇടതുപക്ഷ സർക്കാരിന് അഭിവാദ്യമർപ്പിച്ചു കൊണ്ട് കേരള സ്കൂൾ ടീച്ചേഴ്സ് അസോസിയേഷൻ ഇരിങ്ങാലക്കുട ഉപജില്ല ആഹ്ലാദ പ്രകടനം നടത്തി. സർക്കാർ ഉത്തരവു പ്രകാരം ജോലി സംരക്ഷണം ലഭിച്ച അധ്യാപകർ കെ.എസ്.ടി എ

അംഗത്വം എടുത്തു. ഇരിങ്ങാലക്കുട എസ്.എൻ എച്ച്. എസ്. എസിലെ സാബിറ ടീച്ചർക്ക് അംഗത്വം നൽകി കൊണ്ട് സബ്ജില്ല സെക്രട്ടറി കെ.ആർ. സത്യപാലൻ അംഗത്വ വിതരണം ഉദ്ഘാടനം ചെയ്തു. എടതിരിഞ്ഞി എച്ച് ഡി.പി. എച്ച്. എസ്.എസിൽ വെച്ച് നടന്ന യോഗത്തിൽ സബ് ജില്ല പ്രസിഡണ്ട് ശ്രീമതി വർഷ രാജേഷ് അധ്യക്ഷത വഹിച്ചു. സബ്ജില്ല വൈസ് പ്രസിഡണ്ട് ശ്രീമതി സ്മിത സി പി സ്വാഗതം ആശംസിച്ചു. സംസ്ഥാന കമ്മിറ്റിയംഗം ദീപ ആന്റണി , എക്സിക്യൂട്ടീവ് അംഗം അനിൽകുമാർ ടി, ട്രഷറർ ജ്യോതിഷ് . എം.വി എന്നിവർ സംസാരിച്ചു.