താണിശ്ശേരിയില്‍ തടയണ നിര്‍മ്മിക്കണം- സി.പി.ഐ.

404

കിഴുത്താണി: കൃഷിക്കും കുടിവെള്ളത്തിനും പ്രയോജനം ലഭിക്കുന്ന തരത്തില്‍ താണിശ്ശേരി കെ.എല്‍.ഡി.സി. കനാലില്‍ തടയണ നിര്‍മ്മിക്കണമെന്ന് സി പി ഐ കാറളം ലോക്കല്‍ സമ്മേളനം സര്‍ക്കാരിനോട് പ്രമേയത്തിലൂടെ ആവശ്യപ്പെട്ടു. കിഴുത്താണി ആര്‍ എം എല്‍ പി സ്‌കൂളില്‍ ചേര്‍ന്ന പ്രതിനിധി സമ്മേളനം സി പി ഐ ജില്ലാ സെക്രട്ടറി  കെ.കെ. വസന്തരാജ് ഉദ്ഘാടനം ചെയ്തു. കെ.ശ്രീകുമാര്‍, ടി.കെ. സുധീഷ്, പി.മണി, എന്‍.കെ.ഉദയപ്രകാശ് എന്നിവര്‍ അഭിവാദ്യം ചെയ്തു. പ്രൊഫ.എം.എസ്. വിശ്വനാഥന്‍, ടി.എ.ദിവാകരന്‍, ഷംല അനീസ് എന്നിവരടങ്ങിയ പ്രസീഡിയം സമ്മേളന പരിപാടികള്‍ നിയന്ത്രിച്ചു. മുതിര്‍ന്ന അംഗം എന്‍. ആര്‍.കോച്ചന്‍ പതാക ഉയര്‍ത്തി. എം.സുധീര്‍ദാസ് അനുശോചന പ്രമേയവും റഷീദ് പി.എം. രക്തസാക്ഷി പ്രമേയവും അവതരിപ്പിച്ചു. ലോക്കല്‍ സെക്രട്ടറിയായി കെ.എസ്.ബൈജുവിനെയും, അസി.സെക്രട്ടറിയായി എം.സുധീറിനെയും സമ്മേളനം തിരഞ്ഞെടുത്തു.

Advertisement