ഇരിഞ്ഞാലക്കുട ബി ആര്‍ സി യുടെ നേതൃത്വത്തില്‍ ഭിന്നശേഷി കുട്ടികളുടെ അമ്മമാര്‍ക്ക് തയ്യല്‍ തൊഴില്‍ പരിശീലനം ആരംഭിച്ചു. ഉന്നത വിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്തു. ഇരിങ്ങാലക്കുട മുന്‍സിപ്പല്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ അഡ്വ: ജിഷ ജോബി അധ്യക്ഷത വഹിച്ചു . ബി.പി.സി .കെ .ആര്‍ സത്യപാലന്‍ സ്വാഗതം പറഞ്ഞു. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ സി.സി. ഷിബിന്‍, ഡി പി ഒ ബ്രിജി സാജന്‍, അനുപം പോള്‍ എന്നിവര്‍ സംസാരിച്ചു. ‘വിങ്‌സ്’ എന്ന പേരിലുള്ള തയ്യല്‍ പരിശീലനത്തില്‍ ഓട്ടിസം സെന്ററിലെ അമ്മമാര്‍ക്ക് തൊഴില്‍ പരിശീലനം നല്‍കും.
