ഇരിങ്ങാലക്കുട :ലിറ്റിൽ ഫ്ലവർ എൽ പി സ്കൂളിൽ ശതാബ്ദി ആഘോഷങ്ങളുടെ ഭാഗമായി പൂർവ്വ വിദ്യാർത്ഥികളുടെ നേതൃത്വത്തിൽ ഇരിങ്ങാലക്കുടയിലെ പ്രമുഖ പൊതുസ്ഥാപനങ്ങളിൽ നൂറോളം മരങ്ങൾ നട്ടു പരിപാലിക്കുന്ന Go GREEN 2023 പദ്ധതി പരിസ്ഥിതി പ്രവർത്തകനും വനമിത്ര അവാർഡ് ജേതാവും ക്രൈസ്റ്റ് സ്ഥാപനങ്ങളുടെ മാനേജരുമായ ഫാദർ ജോയ് പീനിക്കപ്പറമ്പിൽ ഉദ്ഘാടനം ചെയ്തു. ഇരിങ്ങാലക്കുട ഗവണ്മെന്റ് താലൂക്ക്ഹോസ്പിറ്റൽ, PWD റസ്റ്റ് ഹൗസ്, KLF, KPL, Y’S MEN Club എന്നീ സ്ഥാപനങ്ങളിലാണ് വൃക്ഷ തൈകൾ നട്ടത്.സീനിയർ അധ്യാപിക ആലിസ് ഐ കെ യോഗത്തിന് സ്വാഗതം പറഞ്ഞു.ഹെഡ്മിസ്ട്രസ് സിസ്റ്റർ റിനെറ്റ് യോഗത്തിൽ അധ്യക്ഷപദം അലങ്കരിച്ചു. ബ്ലോക്ക് ഡെവലപ്മെന്റ് ഓഫീസർ വേണുഗോപാൽ ആശംസകൾ അർപ്പിച്ചു.പ്രകൃതി സന്ദേശം അടങ്ങുന്ന വിദ്യാർത്ഥികളുടെ വിവിധ പരിപാടികൾ പ്രോഗ്രാമിന് മാറ്റേകി. സിസ്റ്റർ തെരേസ് മരിയ യോഗത്തിന് നന്ദി പറഞ്ഞു.
