കൊറ്റനെല്ലൂർ : ഞങ്ങളും കൃഷിയിലേക്ക് എന്ന പദ്ധതി പ്രകാരം ചിങ്ങം ഒന്ന് കർഷക ദിനത്തിൽകേരളത്തിൽ ഒരു ലക്ഷം കൃഷിയിടങ്ങളിൽ കൃഷിയിറക്കുന്നതിന്റെ ഭാഗമായി വേളൂക്കര ഗ്രാമ പഞ്ചായത്ത് മണ്ണാർമൂല ഭാഗത്ത് കറുത്ത ഇനം ഞവര നെൽ വിത്ത് വിതച്ച് ഉദ്ഘാടനം ചെയ്തിരുന്നതിന്റെ വിളവെടുക്കൽ ഉദ്ഘാടനം ജില്ലാ പഞ്ചായത്ത് പ്രസിഡന്റ് പി.കെ.ഡേവിസ്മാസ്റ്റർ നിർവഹിച്ചു. ഗ്രാമ പഞ്ചായത്ത് പ്രസിഡണ്ട് കെ.എസ്.ധനീഷ് അദ്ധ്യക്ഷത വഹിച്ച ചടങ്ങിൽ വാർഡ് മെമ്പർമാരായ ബിബിൻതുടിയത്ത്, ലീന ഉണ്ണികൃഷ്ണൻ, അവിട്ടത്തൂർ എൽ.ബി.എസ്.എം. സ്കൂളിലെ ഗൈഡ്സ് ക്യാപ്റ്റൻ പ്രസീതടീച്ചർ, നീനബാബു, ചാർലി.എം.ലാസർ, അൽഫോൻസജോൺസൺ എന്നിവർ പങ്കെടുത്തു. ഗ്രാമ പഞ്ചായത്ത് വൈസ് പ്രസിഡന്റ് ജെൻസിബിജു സ്വാഗതവും അസിസ്റ്റന്റ് കൃഷി ഓഫീസർ എം.കെ.ഉണ്ണി നന്ദിയും പറഞ്ഞു.