കാറളം: വി.എച്ച്.എസ്.എസ് – ലെ എസ്.എസ്.എൽ.സി , എച്ച്.എസ്.ഇ , വി.എച്ച്.എസ്.ഇ പരീക്ഷകളിൽ മികച്ച വിജയം കരസ്ഥമാക്കിയ വിദ്യാർത്ഥികളെ അനുമോദിക്കുന്ന ചടങ്ങിന്റെ ഉദ്ഘാടനം ഉന്നത വിദ്യാഭ്യാസ – സാമൂഹ്യ നീതി വകുപ്പ് മന്ത്രി ഡോ. ആർ.ബിന്ദു നിർവഹിച്ചു. കാറളം ഗ്രാമ പഞ്ചായത്ത് പ്രസിഡന്റ് സീമ പ്രേംരാജ് അദ്ധ്യക്ഷത വഹിച്ചു. വിദ്യാർത്ഥികൾക്കുള്ള സമ്മാന ദാനം സ്കൂൾ മാനേജർ കാട്ടിക്കുളം ഭരതൻ നിർവഹിച്ചു. സ്കൂൾ വൈസ് പ്രിൻസിപ്പൾ പി.വി.രമാദേവി ഉന്നത വിദ്യാഭ്യാസ മന്ത്രിക്ക് ഉപഹാര സമർപ്പണം നടത്തി. ഇരിങ്ങാലക്കുട ബ്ലോക്ക് പഞ്ചായത്ത് വൈസ് പ്രസിഡന്റ് മോഹനൻ വലിയാട്ടിൽ , വാർഡ് മെമ്പർ ടി.എസ്.ശശികുമാർ , ഡി.ഇ.ഒ എൻ. ഡി . സുരേഷ് , റിട്ട. പ്രിൻസിപ്പൽ ഐ.ഡി. ഫ്രാൻസിസ് മാസ്റ്റർ , പൂർവ്വ വിദ്യാർത്ഥി പ്രതിനിധി റഷീദ് കാറളം , പി.ടി.എ വൈസ് പ്രസിഡന്റ് ചിന്ത സുഭാഷ് എന്നിവർ സംസാരിച്ചു. എച്ച്.എസ്.ഇ പ്രിൻസിപ്പൽ ടി.എസ്.സന്ധ്യ സ്വാഗതവും വി.എച്ച്.എസ്.ഇ പ്രിൻസിപ്പൽ പി.പി.സജിത്ത് നന്ദിയും പറഞ്ഞു.
