ഇരിങ്ങാലക്കുട:പെൻഷൻ കാരോടുള്ള സർക്കാർ അവഗണന അവസാനിപ്പിക്കുക, ചികിത്സാ പദ്ധതി കുറ്റമറ്റ രീതിയിൽ ഉടൻ നടപ്പിലാക്കുക, പെൻഷൻ പരിഷ്കരണം ത്വരിതപ്പെടുത്തുക, കുടിശ്ശികയായ 4 ഗഡു ക്ഷാമാശ്വാസം അനുവദിക്കുക എന്നീ ആവശ്യകൾ ഉന്നയിച്ച് കേരള സ്റ്റേറ്റ് സർവ്വീസ് പെൻഷനേഴ്‌സ് അസോസിയേഷൻ നിയോജക മണ്ഡലം കമ്മറ്റിയുടെ ആഭിമുഖ്യത്തിൽ സിവിൽ സ്റ്റേഷന് മുന്നിൽ സംഘടിപ്പിച്ച ധർണ്ണ നിയോജകമണ്ഡലം പ്രസിഡണ്ട് എ .എൻ . വാസുദേവൻ ഉദ്ഘാടനം ചെയ്തു. സെക്രട്ടറി കെ.വേലായുധൻ അധ്യക്ഷത വഹിച്ചു. എം. മൂർഷിദ്, കെ.ബി. ശ്രീധരൻ, പി.യു. വിത്സൻ, എ.സി. സുരേഷ്, ടി.കെ. ബഷീർ, എം. കമലം, പി.ഐ. ജോസ്, കെ.കെ.രാജൻ എന്നിവർ പ്രസംഗിച്ചു. .
