ഇരിങ്ങാലക്കുട :ശ്രീനാരായണ സന്ദേശം പ്രചരിപ്പിക്കുന്നതിനും ആദര്‍ശങ്ങള്‍ സാമൂഹികപരിവര്‍ത്തനത്തിനു പ്രയുക്തമാകും വിധം സ്വാംശീകരിച്ച് പ്രവര്‍ത്തിക്കുന്നതിനും വേണ്ടി എസ്.എന്‍.ചന്ദ്രിക എഡ്യൂക്കേഷണല്‍ ട്രസ്റ്റ് സ്ഥാപിച്ചിട്ടുള്ള സി.ആര്‍.കേശവന്‍ വൈദ്യര്‍ ഗുരുജയന്തി പുരസ്‌കാരം 2019 പദ്മവിഭൂഷണ്‍ ഡോ. കെ.ജെ. യേശുദാസിന് സമര്‍പ്പിച്ചു . ഒരു ലക്ഷം രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്‌കാരം. ശ്രീനാരായണ ധര്‍മ്മസംഘം പ്രസിഡന്റ് സ്വാമി വിശുദ്ധാനന്ദയാണ് സമ്മേളനം ഉദ്ഘാടനം ചെയ്തുകൊണ്ട് പുരസ്‌കാരസമര്പണം നിര്‍വ്വഹിച്ചത് .ഡി .എല്‍ .എഡ് വിദ്യാര്‍ത്ഥി വിഷ്ണു കെ .എസ് പ്രശസ്തി പത്രം വായിക്കുകയും ,എസ് .എന്‍ ചന്ദ്രിക എഡ്യൂക്കേഷണല്‍ ട്രസ്റ്റ് മാനേജിങ് ട്രസ്റ്റി സി .കെ ജിനന്‍ പ്രശസ്തിപത്രം സമര്‍പ്പിക്കുകയും ചെയ്തു . എസ്.എന്‍.ചന്ദ്രിക എഡ്യൂക്കേഷണല്‍ ട്രസ്റ്റ് ചെയര്‍മാന്‍ ഡോ. സി.കെ.രവി അദ്ധ്യക്ഷത വഹിച്ചു. ഇരിങ്ങാലക്കുട എം .എല്‍ .എ പ്രൊഫ. കെ.യു.അരുണന്‍, ഇരിങ്ങാലക്കുട നഗരസഭ ചെയര്‍പേഴ്സണ്‍ നിമ്യ ഷിജു, പ്രൊഫ. എം.കെ.സാനു, മുന്‍ അംബാസഡറും കേരള ഉന്നത വിദ്യാഭ്യാസ കൗണ്‍സില്‍ ഉപാധ്യക്ഷനുമായ ടി.പി.ശ്രീനിവാസന്‍, സന്തോഷ് ചെറാക്കുളം തുടങ്ങിയവര്‍ ചടങ്ങില്‍ പങ്കെടുത്തു.പി .കെ ഭരതന്‍ മാസ്റ്റര്‍ സ്വാഗതവും ഈശ്വര്‍ മംഗള്‍ നന്ദിയും പറഞ്ഞു
