ഇരിങ്ങാലക്കുട : വെള്ളിയാഴ്ച്ച രാത്രി 9. 00 മണിക്ക് അയ്യങ്കാവ് മൈതാനത്ത് വച്ച് പുല്ലൂര്‍ സ്വദേശി ഇളംന്തോളില്‍ വീട്ടില്‍ അര്‍ജ്ജുന്‍ ബാബു (18) വിനെയും സുഹൃത്ത് ശരത്തിനേയും 7 ഓളം പേരടങ്ങുന്ന ഗുണ്ടാസംഘം ഇരുമ്പുവടികളും മറ്റ് ആയുധങ്ങളുമായി ഭീകരമായി ആക്രമിക്കുകയായിരുന്നു.സംഭവം ശേഷം അക്രമിസംഘത്തലവന്‍’ നത്ത് ലിഹിന്‍ ‘ എന്നറിയപെടുന്ന കനാല്‍ ബേസില്‍ കണിയാപുരം വീട്ടില്‍ ലിഹിന്‍ ആന്റണിയെ കടയിലെ CCTV ദ്യശ്യങ്ങള്‍ പരിശോധിച്ചാണ് പോലീസ് മനസിലാക്കുകയായിരുന്നു.ഗോവക്ക് രക്ഷപെടാന്‍ ശ്രമിക്കുന്നതിനിടെ കണിയാപുരം വീട്ടില്‍ ലിഹിന്‍ ആന്റണി (24) യെ എസ് ഐ കെ എസ് സുശാന്തും സംഘവും അറസ്റ്റ് ചെയ്യുകയായിരുന്നു.പിടിയിലായ പ്രതിയ്ക്ക് 2014 ല്‍ ഇരിങ്ങാലക്കുട പിണ്ടി പെരുന്നാളിന് ഒരു യുവാവിനെ കുത്തി കൊലപെടുത്താന്‍ ശ്രമിച്ച് കേസ്സുള്‍പെടെ നിരവധി ക്രിമിനല്‍ കേസ്സുകള്‍ നിലവിലുണ്ട്.ഗുണ്ടാസംഘത്തിന്‍ ഉള്‍പ്പെട്ടവര്‍ ലഹരിമരുന്നിന് അടിമപ്പെട്ടവരുമാണ്.
സംഭവത്തില്‍ ഉള്‍പ്പെട്ട മറ്റ് പ്രതികളെ കുറിച്ച് വ്യക്തമായ സൂചന പോലീസിന് ലഭിച്ചിട്ടുണ്ട്.ഇവര്‍ ഉടന്‍ പിടിയിലാവുന്നമെന്നും,നഗരത്തിലെ ഗുണ്ടാസംഘങ്ങള്‍ക്കും മയക്കുമരുന്ന് സംഘങ്ങള്‍ക്കുമെതിരെ ശക്തമായ നടപടി സ്വീകരിക്കുമെന്നും അതിനായി പ്രത്യേക അന്വേഷണ സംഘത്തെ രൂപീകരിച്ചിട്ടുണ്ടെന്നും ഇരിങ്ങാലക്കുട സി ഐ എം കെ സുരേഷ് കുമാര്‍ പറഞ്ഞു. പ്രതികളെ പിടികൂടുന്നതിനായില്‍ ഇരിങ്ങാലക്കുട DySP ഫേമസ് വര്‍ഗ്ഗീസിന്റെ നിര്‍ദ്ദേശ പ്രകാരം SI തോമസ്സ് വടക്കന്‍ , ER സിജുമോന്‍ ,മുരുകേഷ് കടവത്ത് , Ak മനോജ് ,KS സുനീഷ്, MS വൈശാഖ് എന്നിവരടങ്ങിയ ‘ആന്റീ ഗുണ്ടാ സ്‌ക്കാഡ് ‘ രൂപീകരിച്ചിട്ടുണ്ട്.
