അരിപ്പാലം: തിരുഹൃദയ ലത്തീന്‍ ഫെറോന ദേവാലയത്തിലെ വി. അന്തോണീസിന്റെ ഊട്ടുതിരുന്നാളിന് കൊടിയേറ്റി. കോട്ടപ്പുറം രൂപത വികാരി ജനറാള്‍ മോണ്‍. സെബാസ്റ്റിയന്‍ ജെക്കോബി കൊടിയേറ്റം നടത്തി. ഞായറാഴ്ച തിരുഹൃദയദിനം ആഘോഷിക്കും. രാവിലെ പത്തിന് നടക്കുന്ന ആഘോഷമായ തിരുന്നാള്‍ സമൂഹദിവ്യബലിക്ക് ഫാ. ഷാജു കുരിശിങ്കല്‍ മുഖ്യകാര്‍മ്മികത്വം വഹിക്കും. തുടര്‍ന്ന് പ്രദക്ഷിണം, ഏഴിന് ഇടവകദിനവും മതബോധന വാര്‍ഷികവും കലാപരിപാടികളും നടക്കും. തിങ്കളാഴ്ച വൈകീട്ട് അഞ്ചിന് ദിവ്യബലി, നൊവേന, ആരാധന, ഊട്ടുതിരുന്നാള്‍ ദിനമായ ചൊവ്വാഴ്ച രാവിലെ 10.30ന് നടക്കുന് തിരുന്നാള്‍ സമൂഹദിവ്യബലിക്ക് ഫാ. ഫിലിപ്പ് തൈപ്പറമ്പില്‍ മുഖ്യകാര്‍മ്മികത്വം വഹിക്കും. തുടര്‍ന്ന് ഊട്ടുസദ്യ ആശീര്‍വ്വാദവും വിതരണവും, വൈകീട്ട് അഞ്ചിന് ദിവ്യബലി, കൊടിയിറക്ക് എന്നിവ നടക്കും.
