ഇരിങ്ങാലക്കുട : ജീവനുള്ള ഭൂമിക്ക് യുവതയുടെ കാവല്‍’ എന്ന സന്ദേശവുമായി ഡി.വൈ.എഫ്.ഐ സംഘടിപ്പിച്ചുവരുന്ന പരിസ്ഥിതി പ്രവര്‍ത്തനങ്ങളുടെ ഭാഗമായി പത്ത് ദിവസത്തെ കൂടല്‍മാണിക്യം ഉത്സവം കഴിഞ്ഞതിന് ശേഷം പൊതുനിരത്തില്‍ അടിഞ്ഞ് കൂടിയ മാലിന്യങ്ങളും ചപ്പുചവറുകളും പ്ലാസ്റ്റിക് വേസ്റ്റുകളും ഡി.വൈ.എഫ്.ഐ ഇരിങ്ങാലക്കുട ബ്ലോക്ക് കമ്മിറ്റിയുടെ നേതൃത്വത്തില്‍ വൃത്തിയാക്കി. അമ്പലത്തിന് മുന്‍വശം മുതല്‍ ആല്‍ത്തറ വരെയാണ് ശുചീകരണ പ്രവര്‍ത്തനം സംഘടിപ്പിച്ചത്. ബ്ലോക്ക് സെക്രട്ടറി സി.ഡി.സിജിത്ത്, പ്രസിഡണ്ട് ആര്‍.എല്‍.ശ്രീലാല്‍, ട്രഷറര്‍ പി.സി. നിമിത ബ്ലോക്ക് കമ്മിറ്റി നേതാക്കളായ വി.എ.അനീഷ്, ആര്‍.എല്‍.ജീവന്‍ലാല്‍, പി.കെ.മനുമോഹന്‍, വി.എച്ച്.വിജീഷ്, കെ.ആര്‍.അഞ്ജന, കെ.കെ.ശ്രീജിത്ത്, വി.എന്‍.സജിത്ത് എന്നിവര്‍ നേതൃത്വം നല്‍കി.
