കാട്ടുങ്ങച്ചിറ: ഹരിതാഭമായ പാതയോരത്തെ ഭൂരിഭാഗം മരങ്ങളിലും കാണുന്ന ക്രൂരതയുടെ അടയാളങ്ങള്‍ ഏതൊരു പ്രകൃതി സ്‌നേഹിയേയും അങ്ങേയറ്റം വേദനിപ്പിക്കുന്നതാണ്. കാടുങ്ങച്ചിറ പള്ളിക്കാട് പ്രദേശത്ത് നിന്നും ക്രൈസ്റ്റ് കോളേജിലേക്ക് പോകുന്ന വഴിയിലാണ് ഈ ക്രൂരത കാണാന്‍ കഴിഞ്ഞത്, കമ്പി കൊണ്ട് വലിച്ച് മുറുക്കി മരങ്ങളില്‍ ചില സ്വകാര്യ സ്ഥാപനങ്ങളുടെ പരസ്യ ബോര്‍ഡുകള്‍ സ്ഥാപിച്ചിരിക്കുന്നു. കമ്പി കൊണ്ട് പരസ്യം സ്ഥാപിക്കുമ്പോള്‍ മരങ്ങളില്‍ കേടുപാടുകള്‍ വേഗത്തിലുണ്ടായി ഒടിഞ്ഞു വീഴുന്നതിന് സാധ്യത കൂട്ടുന്നു. സ്വകാര്യസ്ഥാപനങ്ങളില്‍ പല തവണ അറിയിച്ചിട്ടും ബോര്‍ഡുകള്‍ നീക്കം ചെയ്യാത്തതിനെ തുടര്‍ന്ന് ഡി.വൈ.എഫ്.ഐ പ്രവര്‍ത്തകര്‍ ബോര്‍ഡുകള്‍ അഴിച്ചു മാറ്റി. ഡി വൈ എഫ് ഐ നേതാക്കളായ ആര്‍.എല്‍ ശ്രീലാല്‍, കെ.എന്‍ ഷാഹിര്‍ ,സജീഷ് കെബി അനൂപ് സുലൈമാന്‍ നേതൃത്വം നല്‍കി
