ഇരിങ്ങാലക്കുട : അന്താരാഷ്ട്ര വനിതാദിനത്തോട് അനുബന്ധിച്ച് ഗണിതശാസ്ത്ര വിഭാഗവും വി ഫോർ വുമെൻ ക്ലബും സംയുക്തമായി സെമിനാർ സംഘടിപ്പിച്ചു. ഓസ്ട്രേലിയൻ എനർജി സെക്ടർ ക്ലൈൻ്റ് ഡയറക്ടറും മാനേജ്മെൻ്റ് കൺസൾട്ടൻ്റും ആയ മിസ് സ്മിത വി അന്താരാഷ്ട്ര തലത്തിൽ സ്ത്രീകൾക്ക് എത്തിച്ചേരാൻ കഴിയുന്ന മേഖലകളെ കുറിച്ചും ലിംഗസമത്വത്തെ കുറിച്ചും പ്രഭാഷണം നടത്തി. ഗണിതശാസ്ത്രവിഭാഗം മേധാവി ഷെറിൻ ജോസ് ടി യും, വനിതാ ക്ലബ് കോർഡിനേറ്റർ അഞ്ചു സൂസൻ ജോർജും നേതൃത്വം വഹിച്ചു.
