ബിആര്‍സിയുടെ നേതൃത്വത്തില്‍ കിടപ്പിലായ ഭിന്നശേഷി കുട്ടികള്‍ക്കുള്ള ഓണാഘോഷ പരിപാടി ഓണ ചങ്ങാതിയുടെ പഞ്ചായത്ത് തല ഉദ്ഘാടനം മുരിയാട് പഞ്ചായത്ത് പ്രസിഡന്റ് ജോസ് ചിറ്റിലപ്പിള്ളി നിര്‍വഹിച്ചു. എഡ്വിന്‍, ഡെല്‍വിന്‍ എന്നീ കുട്ടികളുടെ വീട്ടിലാണ് പരിപാടി സംഘടിപ്പിച്ചത്. കുട്ടികള്‍ക്ക് പുതുവസ്ത്രങ്ങള്‍ നല്‍കി. പൂക്കളം, ഓണപ്പാട്ട്, ഓണസദ്യ എന്നിവയും സംഘടിപ്പിച്ചു. പഞ്ചായത്ത് അംഗങ്ങളായ നിജി വില്‍സണ്‍, സുനില്‍കുമാര്‍, സരിഗ സുരേഷ്, ഡിപി ഒ ബ്രിജി സാജന്‍, ബിപിസി കെ ആര്‍ സത്യപാലന്‍, ഫാദര്‍ ഡോക്ടര്‍ ആന്റോ കരിപ്പായി എന്നിവര്‍ സംസാരിച്ചു.
