കാട്ടൂർ: തൊഴിലുറപ്പ് പദ്ധതിക്ക് കേന്ദ്ര വിഹിതം വെട്ടിക്കുറച്ച കേന്ദ്ര സർക്കാർ നടപടിയിൽ പ്രതിഷേധിച്ച് NREGWU കാട്ടൂർ പഞ്ചായത്ത് കമ്മറ്റിയുടെ നേതൃത്വത്തിൽ പ്രതിഷേധ കൂട്ടായ്മ സംഘടിപ്പിച്ചു. ബസ്സ് സ്റ്റാന്റ് പരിസരത്ത് ചേർന്ന പ്രതിഷേധയോഗം കർഷകത്തൊഴിലാളി യൂണിയൻ പഞ്ചായത്ത് സെക്രട്ടറിയും ഗ്രാമ പഞ്ചായത്ത് പ്രസിഡന്റുമായ ടി വി .ലത ഉദ്ഘാടനം ചെയ്തു. യൂണിയൻ പഞ്ചായത്ത് സെക്രട്ടറി വി.എം .കമറുദ്ദീൻ അദ്ധ്യക്ഷത വഹിച്ച യോഗത്തിന് യൂണിയൻ പഞ്ചായത്ത് കമ്മറ്റി പ്രസിഡന്റ് അമിത മനോജ് സ്വാഗതവും ട്രഷറർ പുഷ്പാവതി വിജയൻ നന്ദിയും പറഞ്ഞു. സി. പി.ഐ (എം ) ലോക്കൽ സെക്രട്ടറി ടി.വി. വിജീഷ്, യൂണിയൻ ഏരിയാ സെക്രട്ടറികെ.ബി.സുലോചന , CITU കോർഡിനേഷൻ കമ്മറ്റി കൺവീനർ പി.എസ്. അനീഷ് എന്നിവർ സംസാരിച്ചു.
