ഇരിങ്ങാലക്കുട : ശാസ്ത്ര സാങ്കേതിക രംഗത്ത് വൻ കുതിച്ചുചാട്ടത്തിന് വഴിയൊരുക്കി ക്രൈസ്റ്റ് കോളേജ് ഓഫ് എഞ്ചിനീയറിംഗിലെ ഇലക്ട്രിക്കൽ വിഭാഗം ഇന്റർനാഷണൽ കോൺഫറൻസ് ഓൺ സർക്യുട്ട്, കൺട്രോൾ, ആൻഡ് എനർജി സംഘടിപ്പിച്ചു. ഐ.സി.സി.സി.ഇ -21 ന്റെ കോൺഫറൻസ് പ്രൊസീഡിങ്‌സ് പ്രകാശനം ഉന്നത വിദ്യാഭ്യാസ മന്ത്രി ഡോ. ആർ. ബിന്ദു നിർവഹിച്ചു.ബി ടെക്, എം ടെക്, ഗവേഷണ വിദ്യാർത്ഥികളിൽ നിന്നായി തൊണ്ണൂറോളം ഗവേഷണ പ്രബന്ധങ്ങൾ അവതരിപ്പിച്ചു. ഇലക്ട്രിക് വെഹിക്കിൾ, വയർലെസ്സ് പവർ ട്രാൻസ്ഫർ, റീന്യൂവബിൾ എനർജി തുടങ്ങി ഗവേഷണ മേഖലയിൽ ഉയർന്നു വരുന്ന വിഷയങ്ങളിലുള്ള പ്രബന്ധങ്ങൾ ശ്രദ്ധയാകർഷിച്ചു. മികച്ച നാല് പ്രബന്ധങ്ങൾക്ക് ബെസ്ററ് പേപ്പർ അവാർഡ് നൽകി.ഡോ. നന്ദകുമാർ.എം ( റിട്ട. പ്രൊഫസർ ഗവ. എഞ്ചിനീയറിംഗ് കോളേജ്, തൃശ്ശൂർ) ഉദ്ഘാടനം ചെയ്ത കോൺഫറൻസിൽ ഡോ. എസ്.എം സുഹൈൽ ഹുസൈൻ ( ഫുകുഷിമ റീന്യൂവബിൾ എനർജി ഇൻസ്റ്റിട്യൂട്ട്, ജപ്പാൻ), ഡോ. വിവേക് മോഹൻ ( എൻ.ഐ.ടി ട്രിച്ചി ) തുടങ്ങിയവർ നൂതന വിഷയങ്ങളിൽ പ്രഭാഷണം നടത്തി.സാങ്കേതിക മേഖലയിൽ കൂടുതൽ പ്രയോഗിക ശേഷിയുള്ള വിദ്യാർത്ഥികളുടെ ആവശ്യകതയും അവർക്കു ലഭിക്കുന്ന അവസരങ്ങളും വിഷയമാക്കിക്കൊണ്ട് ഡിജോ.എം. പോൾ ( ഫോർമർ അസ്സി. കൺസ്ട്രക്ഷൻ മാനേജർ, എൽ &ടി), മിമിത ജോൺ.സി (അസ്സി.എഞ്ചിനീയർ,കെ.എസ്.ഇ.ബി ), ഫൈസൽ ഫറൂഖ് (ഡയറക്ടർ, അക്വിറന്റ് എഞ്ചിനീയേർസ് ) തുടങ്ങിയവർ പങ്കെടുത്ത പാനൽ ചർച്ചയിൽ വിദ്യാർത്ഥികളുടെ സംശയനിവാരണത്തിനും അവസരമുണ്ടായി.ക്രൈസ്റ്റ് എഞ്ചിനീയറിംഗ് കോൺഗ്രസിന്റെ ഭാഗമായി നടന്ന കോൺഫറൻസിന് ഇലക്ട്രിക്കൽ വിഭാഗം മേധാവി നീതു വർഗീസ്, അസിസ്റ്റന്റ് പ്രൊഫസർമാരായ വിഷ്ണു പി മദൻമോഹൻ, നിതിൻ കെ.എസ്, എമിലിൻ തോമസ് കങ്കപ്പാടൻ എന്നിവർ നേതൃത്വം നൽകി.
