അവിട്ടത്തൂർ: മൂവർ സഹോദരങ്ങൾക്ക് എ പ്ലസ് മധുരം. അവിട്ടത്തൂർ സ്വദേശിയായ അഡ്വ. തേജസ്‌ പുരുഷോത്തമന്റെയും എൽ.ബി.എസ്.എം. ഹയർസെക്കൻഡറി സ്കൂൾ അധ്യാപിക രമ കെ. മേനോന്റെയും മക്കളായ ഗോപിക, ഗോകുൽ ,ഗായത്രി എന്നിവരാണ് 2021-ലെ പ്ലസ് ടു പരീക്ഷയിൽ എല്ലാവിഷയങ്ങളിലും എ പ്ലസ് നേടിയത്.ഒറ്റ പ്രസവത്തിൽ ജനിച്ച മൂന്നു പേരും പ്ലസ്‌ടുവിന് വ്യത്യസ്ത വിഷയങ്ങളാണ് പഠിച്ചത്. ഗോപിക അവിട്ടത്തൂർ എൽ.ബി.എസ്.എം. ഹയർസെക്കൻഡറി സ്കൂളിൽ ഹ്യുമാനിറ്റീസ് ഗ്രൂപ്പും ഗായത്രി ഇതേ സ്കൂളിൽ കൊമേഴ്സ്‌ ഗ്രൂപ്പും ഗോകുൽ ഇരിങ്ങാലക്കുട നാഷണൽ സ്കൂളിൽ സയൻസ് ഗ്രൂപ്പും ആണ് പഠിച്ചത്.
