പുല്ലൂർ:സ്മാർട്ട് പുല്ലൂർ പദ്ധതിയുടെ ഭാഗമായി 75 വർഷം പൂർത്തിയായ പുല്ലൂർ സർവീസ് സഹകരണ ബാങ്ക് 70 വയസ്സ് പൂർത്തീകരിച്ച് സഹകാരികൾ നടപ്പിലാക്കിയ സഹകരണ പെൻഷൻ പദ്ധതിയുടെ രണ്ടാംഘട്ട പെൻഷൻ വിതരണത്തിന് തുടക്കമായി. 31- 12 -2020ന് 70 വയസ്സ് പൂർത്തീകരിച്ച് തുടർച്ചയായി 20 വർഷം ബാങ്കിംഗ് ഓഹരി ഉടമകളായ സഹകാരികൾക്കാണ് സഹകരണ സപ്തതി സ്പർശത്തിലൂടെ പെൻഷൻ ലഭിക്കുക. രണ്ടാംഘട്ട പെൻഷൻ പദ്ധതിയുടെ ഉൽഘാടനം ഊരകം സഹകരണ ഹാളിൽ വച്ച് നടന്ന ചടങ്ങിൽ ജില്ലാ പഞ്ചായത്ത് അംഗം ലതാ ചന്ദ്രൻ ഉദ്ഘാടനം ചെയ്തു. മുരിയാട് പഞ്ചായത്ത് പ്രസിഡൻറ് ജോസ് ജെ ചിറ്റിലപ്പിള്ളിയുടെ അധ്യക്ഷതയിൽ നടന്ന ചടങ്ങിൽ പുല്ലൂർ സർവീസ് സഹകരണ ബാങ്ക് വൈസ് പ്രസിഡൻറ് കെ സി ഗംഗാധരന് ഉപഹാര സമർപ്പണം നടത്തി. ബ്ലോക്ക് പഞ്ചായത്ത് പ്രസിഡൻറ് ലളിതാ ബാലൻ മുഖ്യാതിഥിയായിരുന്നു. മുരിയാട് ഗ്രാമപഞ്ചായത്ത് വൈസ് പ്രസിഡൻറ് ഷീല ജയരാജ്,മുരിയാട് ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ കെ പി പ്രശാന്ത്, ഇരിങ്ങാലക്കുട ബ്ലോക്ക് പഞ്ചായത്ത് അംഗം മിനി വരിക്കശ്ശേരി, മുരിയാട് ഗ്രാമപഞ്ചായത്ത് അംഗം തോമസ് തൊകലത്ത് ,മുരിയാട് ഗ്രാമപഞ്ചായത്ത് അംഗം മനീഷ മനീഷ്, മുരിയാട് ഗ്രാമപഞ്ചായത്ത് അംഗം മണി സജയൻ, മുരിയാട് ഗ്രാമപഞ്ചായത്ത് അംഗം നിഖിത അനൂപ് ,മുരിയാട് ഗ്രാമപഞ്ചായത്ത് അംഗം സേവിയർ ആളുകാരൻ, ഇരിങ്ങാലക്കുട മുൻസിപ്പൽ കൗൺസിലർ മേരിക്കുട്ടി ജോയ്, ഇരിങ്ങാലക്കുട മുൻസിപ്പൽ കൗൺസിലർ ജസ്റ്റിൻ ജോൺ എന്നിവർ ആശംസകൾ അർപ്പിച്ച് സംസാരിച്ചു. പുല്ലൂർ സർവീസ് സഹകരണ ബാങ്ക് പ്രസിഡൻറ് രാജേഷ് പി വി സ്വാഗതംവും പുല്ലൂർ സർവീസ് സഹകരണ ബാങ്ക് സെക്രട്ടറി സപ്‌ന സി എസ് നന്ദിയുംപറഞ്ഞു.
