ഇരിങ്ങാലക്കുട: സിറ്റിസൺ സോഷ്യൽ വെൽഫയർ കോ ഓപ്പറേറ്റീവ് സൊസൈറ്റിയുടെ ആഭിമുഖ്യത്തിൽ ഇരിങ്ങാലക്കുട ഠാണാവിൽ നടക്കുന്ന കാർഷിക വിപണന മേളയിൽ മലയാളത്തിലെ പ്രശസ്ത ചലച്ചിത്ര സംഗീത സംവിധായകൻ എം.എസ് ബാബുരാജ് അനുസ്മരണവും ഗാനസന്ധ്യയും നടത്തി .ഇരിങ്ങാലക്കുട നഗരസഭാ കൗൺസിലർ പി.വി ശിവകുമാറിന്റെ അദ്ധ്യക്ഷതയിൽ നഗരസഭാ വിദ്യാഭ്യാസ ,യുവജനകാര്യ സ്റ്റാന്റിംഗ് കമ്മിറ്റി ചെയർമാൻ ബിജു ലാസർ ഉദ്‌ഘാടനം നിർവ്വഹിച്ചു .വിദ്യാഭ്യാസ പ്രവർത്തകൻ വി മനോജ് ബാബുരാജ് അനുസ്മരണ പ്രഭാഷണം നടത്തി .സൊസൈറ്റി പ്രസിഡന്റ് ടി.എസ് സജീവൻ മാസ്റ്റർ മുഖ്യ പ്രഭാഷണം നടത്തി . തുടർന്ന് പ്രാദേശിക കലാകാരന്മാരുടെ നേതൃത്വത്തിൽ നടത്തിയ ഗാനസന്ധ്യ ശ്രദ്ധേയമായി.സംഘാടക സമിതി ചെയർമാൻ കെ.എസ് രമേഷ് സ്വാഗതവും പ്രോഗ്രാം കൺവീനർ സുജേഷ് കണ്ണാട്ട് നന്ദിയും പറഞ്ഞു . നവംബർ 1 വരെ നടക്കുന്ന മേളയിൽ കാർഷിക യന്ത്രങ്ങളുടെയും പുഷ്പഫല ഔഷധസസ്യങ്ങളുടെയും പ്രദർശനവും വിൽപ്പനയുമാണ് ഒരുക്കിയിരിക്കുന്നത്. കാർഷികയന്ത്രങ്ങൾക്ക് 40 മുതൽ 80 % വരെ സബ്സിഡിയും നല്കുന്നുണ്ടെന്ന് സംഘാടകർ അറിയിച്ചു.
