Home NEWS പൂമംഗലത്ത് സാംസ്‌കാരിക നിലയം ഉദ്ഘാടനം ചെയ്തു

പൂമംഗലത്ത് സാംസ്‌കാരിക നിലയം ഉദ്ഘാടനം ചെയ്തു

പൂമംഗലം: തൃശൂര്‍ ജില്ലാ പഞ്ചായത്ത് പറപ്പൂക്കര ഡിവിഷനില്‍ 10 ലക്ഷം രൂപ 2018-19 വാര്‍ഷികപദ്ധതിയില്‍ ഉള്‍പ്പെടുത്തി പൂമംഗലം ഗ്രാമ പഞ്ചായത്തിലെ മാരാത്ത് കോളനി സമഗ്ര വികസനം ലക്ഷ്യമാക്കി സാംസ്‌കാരിക നിലയം പുനരുദ്ധാരണത്തിന്റെ ഉദ്ഘാടനം പൂമംഗലം ഗ്രാമ പഞ്ചായത്ത് പ്രസിഡന്റ് വര്‍ഷ രാജേഷിന്റെ അദ്ധ്യക്ഷതയില്‍ തൃശൂര്‍ ജില്ലാ പഞ്ചായത്ത് പ്രസിഡന്റ് മേരി തോമസ്സ് നിര്‍വ്വഹിച്ചു.വെള്ളാങ്കല്ലൂര്‍ ബ്ലോക്ക് പഞ്ചായത്ത് പ്രസിഡന്റ് കെ.എസ്.രാധാകൃഷ്ണന്‍, ജില്ലാ പഞ്ചായത്ത് ചേര്‍പ്പ് ഡിവിഷന്‍ മെമ്പര്‍ പി.കെ. ലോഹിതാക്ഷന്‍ എന്നിവര്‍ മുഖ്യാതിഥികളായിരുന്നു.പൂമംഗലം പഞ്ചായത്ത് വൈസ് പ്രസിഡന്റ് ഇ .ആര്‍.വിനോദ്, സ്റ്റാന്റ്റിംഗ് കമ്മിറ്റി ചെയര്‍പേഴ്‌സണ്‍മാരായ കവിത സുരേഷ്, മിനി ശിവദാസ്, പഞ്ചായത്ത് മെമ്പര്‍മാരായ ലീല പേങ്ങന്‍കുട്ടി, കെ.കെ.നടരാജന്‍, ഷീല ദാസന്‍, എന്നിവര്‍ സംസാരിച്ചു. ജില്ലാ പഞ്ചായത്ത് ഡിവിഷന്‍ അംഗം ടി.ജി.ശങ്കരനാരായണന്‍ സ്വാഗതവും പഞ്ചായത്ത് മെമ്പര്‍ സിന്ധു ഗോപകുമാര്‍ നന്ദിയും പറഞ്ഞു.

Exit mobile version