ഇരിങ്ങാലക്കുട: കേരള പുലയർ മഹാസഭയുടെ സുവർണ്ണ ജൂബിലി ആഘോഷങ്ങൾക്ക് ഇരിങ്ങാലക്കുടയിൽ തുടക്കം കുറിക്കുമെന്ന് കെ.പി.എം.എസ് സംസ്ഥാന ജനറൽ സെക്രട്ടറി പുന്നല ശ്രീകുമാർ പ്രസ്താവിച്ചു. കല്ലേറ്റുക്കര കുടുംബശ്രി ഹാളിൽ നടന്ന ജില്ലാ നേതൃത്വ യോഗം ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. ഫെബ്രുവരി 28ന് നാല് മണിക്ക് ഒരു വർഷം നീണ്ട് നിൽക്കുന്ന ആഘോഷങ്ങൾക്ക് തുടക്കം കുറിച്ച് മഹാസഭയുടെ സ്ഥാപക നേതാവ് പി.കെ.ചാത്തൻ മാസ്റ്റർ അന്ത്യവിശ്രമം കൊള്ളുന്ന കുഴിക്കാട്ടുകോണത്തെ സ്മൃതി കുടീരത്തിൽ നിന്ന് ദീപശിഖ പ്രയാണം ആരംഭിക്കും. വൈകീട്ട് 5 മണിക്ക് ഇരിങ്ങാലക്കുട ടൗൺ ഹാളിൽ സാംസ്കാരിക പൊതുസമ്മേളനം സംഘടിപ്പിക്കും. 29 ന് ദീപശിഖ പ്രയാണത്തേ എതിരേറ്റ് കൊണ്ട് പതിനായിരങ്ങൾ പങ്കെടുക്കുന്ന സാംസ്ക്കാരിക വിളംബര റാലി തൃശൂരിൽ സംഘടിപ്പിക്കും. മന്ത്രിമാർ, സാമൂഹിക-സാംസ്കാരിക നേതാക്കൾ, സിനിമ, കലാ, കായിക, സമുദായിക രാഷ്ട്രീയ രംഗത്തെ അമ്പത് പ്രമുഖ വക്തിത്വങ്ങൾ ഒന്നിച്ച് ദീപം തെളിയിച്ച് ഉൽഘാടനം ചെയ്യുന്ന ലോകം ശ്രദ്ധിക്കുന്ന വിസ്മയ കഴ്ച്ചയിലേക്കാണ് കേരള പുലയർ മഹാസഭാ നേതൃത്വം കൊടുക്കുകയെന്നും പുന്നല ശ്രീകുമാർ കൂട്ടിചേർത്തു. ജില്ലാ പ്രസിഡണ്ട് വി ബാബു അദ്ധ്യക്ഷത വഹിച്ചു. ജില്ലാ സെക്രട്ടറി വി.എസ്. ആശ്ദോഷ് റിപ്പോർട്ട് അവതരിപ്പിച്ചു. സെക്രട്ടറിയേറ്റ് അംഗം ടി എസ് റെജികുമാർ, പി എ അജയഘോഷ്, ശാന്താഗോപാലൻ, യൂത്ത് മൂവ്മെൻറ് സംസ്ഥാന സെക്രട്ടറി പ്രശോഭ് ഞാവേലി, കെ.പി.എം എഫ് സംസ്ഥാന അസിസ്റ്റന്റ് സെക്രട്ടറി രമാ അർജജുനൻ , കെ എസ് രാജു, സന്ദീപ് അരിയാപുറം എന്നിവർ സംസാരിച്ചു. പി എ രവി സ്വാഗതവും പരമേശ്വരൻ നന്ദിയും പറഞ്ഞു.
