ഉദാരമതികളുടെ സഹായത്തിന് കാത്തുനില്‍ക്കാതെ ഇരു വൃക്കകളും തകരാറിലായ കുടുംബിനി വിടവാങ്ങി

224
Advertisement

മുരിയാട്: ഉദാരമതികളുടെ സഹായത്തിന് കാത്തുനില്‍ക്കാതെ ഇരു വൃക്കകളും തകരാറിലായ കുടുംബിനി വിടവാങ്ങി. മുരിയാട് ആരംഭ നഗറില്‍ വെളിയത്ത് സുരേഷിന്റെ ഭാര്യ അജിത (49)യാണ് ഇരു വൃക്കകളും പ്രവര്‍ത്തനം നിലച്ചതിനെ തുടര്‍ന്ന് ഇന്ന് മരണത്തിന് കീഴടങ്ങിയത് ആഴ്ചയില്‍ 3 തവണ ഡയാലിസിസ് നടത്തിയാണ് അജിതയുടെ ജീവന്‍ നിലനിര്‍ത്തിയിരുന്നത് രണ്ട് മക്കളാണ് അജിതക്ക് ആതിരയും വിഷ്ണുവും ഇളയ മകന്‍ പഠിക്കുന്നു. ഒരു വര്‍ക്ക്‌ഷോപ്പ് തൊഴിലാളിയായ സുരേഷിന് ഡയാലിസിസിന് വേണ്ട പണം പോലും കണ്ടെത്താനാവുമായിരുന്നില്ല. കിഡ്‌നിമാറ്റി വക്കുന്നതിന് B+ve കിഡ്‌നിയും 16 ലക്ഷം രൂപയ്ക്കും വേണ്ടി വാര്‍ഡ് മെമ്പറുടെ അധ്യക്ഷതയില്‍ നാട്ടുകാര്‍ യോഗം ചേര്‍ന്ന് ‘ അജിതാ ചികില്‍സാ സഹായ നിധി ‘എന്ന പേരില്‍ ചികില്‍സാ നിധി രൂപീകരിച്ചിരുന്നു.