ഇരിങ്ങാലക്കുട: സെന്റ് തോമസ് കത്തീഡ്രല്‍ സിഎല്‍സി യുടെ ആഭിമുഖ്യത്തില്‍ ക്രിസ്തുമസിനോടനുബന്ധിച്ച് നടത്തുന്ന കരോള്‍ മത്സര ഘോഷയാത്രയുടെ രജിസ്ട്രേഷന്‍ ആരംഭിച്ചു. മുനിസിപ്പല്‍ ടൗണ്‍ ഹാള്‍ പരിസരത്തു നിന്നും ആരംഭിച്ച് ബസ് സ്റ്റാന്‍ഡ് വഴി ഠാണാ ജംഗ്ഷന്‍ ചുറ്റി കത്തീഡ്രല്‍ പള്ളിയില്‍ സമാപിക്കുന്ന വിധത്തിലാണ് മത്സരം. ഡിസംബര്‍ 22 ന് വൈകീട്ട് അഞ്ചിനാണ് മത്സരം ആരംഭിക്കുക. 77777 രൂപയും ട്രോഫിയും ഒന്നാം സമ്മാനമായും 55555 രൂപയും ട്രോഫിയും രണ്ടാം സമ്മാനമായും 33333 രൂപയും ട്രോഫിയും മൂന്നാം സമ്മാനമായും നല്‍കുന്നു. ഇതിനു പുറമേ പങ്കെടുക്കുന്ന ടീമുകള്‍ക്ക് പ്രത്യേകം കാഷ് അവാര്‍ഡുകളും നല്‍കുന്നുണ്ട്. ആദ്യം രജിസ്റ്റര്‍ ചെയ്യുന്ന പത്തു ടീമുകള്‍ക്കു മാത്രമേ മത്സരത്തില്‍ പങ്കെടുക്കുവാന്‍ സാധിക്കൂ. ഘോഷയാത്രക്കും നിശ്ചലദൃശ്യത്തിനും മാത്രമാണ് മത്സരത്തില്‍ മാര്‍ക്ക്് ഉണ്ടായിരിക്കുക. രജിസ്‌ട്രേഷനു വേണ്ടി 9847237046, 9388490691 എന്നീ നമ്പറുകളില്‍ ബന്ധപ്പെടേണ്ടാണ്്.
