ഇരിങ്ങാലക്കുട : പുല്ലൂര്‍ സേക്രഡ് ഹാര്‍ട്ട് മിഷന്‍ ഹോസ്പിറ്റലില്‍ ഡയാലിസിസ് രോഗികള്‍ക്ക് കൈത്താങ്ങാകാന്‍ ഒരുക്കിയ ഫുഡ് ഫെസ്റ്റ് 2019-ന്റെ ഔദ്യോഗിക ഉദ്ഘാടനം മുരിയാട് പഞ്ചായത്ത് മെമ്പര്‍ തോമസ് തൊകലത്ത് നിര്‍വഹിച്ചു. ഹോസ്പിറ്റല്‍ അഡ്മിനിസ്‌ട്രേറ്റര്‍ സിസ്റ്റര്‍ ഫ്‌ലോറി സിഎസ്എസ്, ഹോസ്പിറ്റല്‍ മാനേജര്‍ ഓപ്പറേഷന്‍സ് ആന്‍ജോ ജോസ്, ജിന്‍സി എന്നിവര്‍ സംസാരിച്ചു. നവംബര്‍ 4, 5 (തിങ്കള്‍, ചൊവ്വ) തീയതികളില്‍ രാവിലെ ഒമ്പതുമണിമുതല്‍ ഹോസ്പിറ്റല്‍ അങ്കണത്തില്‍ ആശുപത്രി ജീവനക്കാരുടെ നേതൃത്വത്തില്‍ സ്വാദിഷ്ഠമായ ഭക്ഷണം തയ്യാറാക്കുന്നു. കൊതിയൂറും വിഭവങ്ങള്‍ ആസ്വദിക്കുന്നതോടൊപ്പം കരുതലിനൊരു കൈത്താങ്ങാകാന്‍ പുല്ലൂര്‍ സേക്രഡ്ഹാര്‍ട്ട് മിഷന്‍ ഹോസ്പിറ്റല്‍ അവസരമൊരുക്കുന്നു.
