അവിട്ടത്തൂര്‍:അവിട്ടത്തൂര്‍ എല്‍.ബി.എസ്.എം.സ്‌ക്കൂളിനു സമീപമുള്ള ഇറക്കത്ത് നടന്ന വാഹനാപകടത്തില്‍ കടുപ്പശ്ശേരി കോങ്കോത്ത് ജോണ്‍സണ്‍ മകന്‍ ജെറിന്‍ (28) മരിച്ചു.ബുധനാഴ്ച പുലര്‍ച്ചയാണ് അപകടം നടന്നത് നാട്ടുക്കാരുടെ ശ്രദ്ധയില്‍ പെട്ടത്.നിയന്ത്രണം വിട്ട സ്‌ക്കൂട്ടര്‍ കാനയിലേക്ക് മറിയുകയാണെന്ന് കരുതുന്നു.ഗള്‍ഫില്‍ നിന്നും അടുത്തിടെ നാട്ടിലെത്തിയ ജെറിന്‍ ബദ്ധുവീട്ടില്‍ ലോകകപ്പ് മത്സരം കണ്ട് മടങ്ങി വരുന്നതിനിടെയാണ് അപകടം നടന്നത്.കാട് മൂടികിടക്കുന്ന കാനയില്‍ സ്ലാബ് ഇട്ടിരുന്നില്ല.ഈ കാനയില്‍ വീണ ജെറിനെ ശബ്ദം കേട്ട് പുറത്തിറങ്ങി നോക്കിയ പരിസരവാസികളുടെ ശ്രദ്ധയില്‍പെട്ടിരുന്നില്ല.പുലര്‍ച്ചെ ഈ വഴി വന്നവരാണ് അപകടം കണ്ട് ആശുപത്രിയില്‍ എത്തിച്ചത് അപ്പോഴേക്കും മരണം സംഭവിച്ചിരുന്നു.
