ഇരിങ്ങാലക്കുട : സി എസ് ഐ നടപ്പിലാക്കുന്നതുമായി ബദ്ധപ്പെട്ട് ഗുരുതരമായ പ്രശ്‌നങ്ങളാണ് നിലനിക്കുന്നതെന്നാരോപിച്ച് എന്‍ എഫ് പി ഇ ഇരിങ്ങാലക്കുട ഡിവിഷന്റെ നേതൃത്വത്തില്‍ ഇരിങ്ങാലക്കുട പോസ്റ്റ് ഓഫീസിന് മുന്നില്‍ കൂട്ട ഉപവാസം നടത്തി.രാവിലെ 10 മുതല്‍ വൈകീട്ട് 5 വരെയുള്ള ഉപവാസ സമരം ഓള്‍ ഇന്ത്യ പോസ്റ്റല്‍ ആന്റ് ആര്‍ എം എസ് പെന്‍ഷേഴ്‌സ് അസോസിയേഷന്‍ സംസ്ഥാന സെക്രട്ടറി വി എ മോഹനന്‍ മാസ്റ്റര്‍ ഉദ്ഘാടനം ചെയ്തു.എന്‍ എഫ് പി ഇ അസിസ്റ്റന്റ് സെക്രട്ടറി സി സി ശബരീഷ് ,ജ്യോതീഷ് ദേവന്‍,കെ സി ലളിത,പി ഡി ഷാജു തുടങ്ങിയവര്‍ പ്രസംഗിച്ചു.
