ഇരിങ്ങാലക്കുട : ബസ് സ്റ്റാന്റില്‍ വൈകീട്ട് 5.30 തോടെയാണ് സംഭവം.ബസില്‍ കയറാന്‍ ശ്രമിക്കുന്നതിനിടെ അനാവശ്യ തിരക്ക് സൃഷ്ടിച്ച് വൃദ്ധയുടെ മാല പൊട്ടിച്ച രണ്ട് അന്യസംസ്ഥാന സ്ത്രികള്‍ പിടിയിലായി.പൊറുത്തിശ്ശേരി സ്വദേശി തറയില്‍ സുലേചനയുടെ മാലയാണ് പൊട്ടിച്ചത്.പേരകുട്ടിയുമായി ബസില്‍ കയറുന്നതിനിടെയാണ് സുലോചനയുടെ മാല കവരുന്നത്.മാല നഷ്ടപെട്ടതറിഞ്ഞ് ബഹളം വച്ചപ്പോള്‍ മാല ഉപേക്ഷിച്ച് രക്ഷപെടാന്‍ ശ്രമിക്കുന്നതിനിടെയാണ് നാട്ടുക്കാര്‍ ഇരുവരെയും പിടികൂടിയത്.ആന്ധ്ര വിരാട്‌പേട്ട് സ്വദേശികളായ രാധ (60),മകള്‍ യമുന (34) എന്നിവരാണ് പിടിയിലായത്.ഇരുവരും നല്ല വസ്ത്രങ്ങള്‍ ധരിച്ചാണ് യാത്രചെയ്തിരുന്നത്.ഇരിങ്ങാലക്കുട റൂറല്‍ വനിതാ സ്റ്റേഷന്‍ എസ് ഐ എന്‍ ഡി അന്നയുടെ നേതൃത്വത്തില്‍ പോലിസെത്തി ഇരുവരെയും കസ്റ്റഡിയില്‍ എടുത്തു.
